Игътибар! Яңа коронавирус йогышы (201-nCoV) очраклары теркәлгән территорияләрдән кайткан гражданнар өчен "Кайнар линия"

Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан Республикасы буенча идарәсе КХР, Көньяк Корея һәм Ираннан кайткан гражданнарга мөрәҗәгать итә – кире кайтканнан соң 14 көн эчендә өйдә медицина хезмәткәрләренең медицина күзәтүе астында калырга, эш һәм уку урыннарына бармаска (кирәк булганда, медицина оешмалары тарафыннан больничный лист бирелә), туганнары һәм дуслары белән элемтәләрне минимальләштерергә, симптомнар барлыкка килгәндә кичекмәстән табибка мөрәҗәгать итәргә кирәк. Медицина күзәтүенең 10 көненә мондый затлар яңа коронавирус инфекциясенә тикшерелергә тиеш. Вәзгыять Татарстан Республикасы буенча Роспотребнадзор идарәсе контролендә кала. Россия Федерациясендә яңа коронавирус белән килеп чыккан авыруларның таралуына юл куймау максатларында саклык чараларын үтәргә кирәк: - Кытай Халык Республикасына, Көньяк Кореяга, Иранга һәм Италиягә сәфәрләрне хәлне тотрыкландырганчы планлаштырмаска - башка илләргә чит ил сәфәрләрен планлаштырганда-эпидемиологик хәлне аныклау; - сулыш органнарын яклау чараларын (битлекләрне) кулланырга); - кешеләр күпләп җыела торган урыннарда һәм ризык кабул итәр алдыннан кулларны юарга; - борын йөрешләрен махсус чаралар яки тозлы су белән юарга ; - КХР, Көньяк Корея, Иран һәм Италиядән кайткач, 14 көн дәвамында үз сәламәтлегеңнең торышын күзәтергә кирәк; - Россия Федерациясе территориясендә медицина ярдәме сорап мөрәҗәгать иткәндә медицина персоналына КХР, Көньяк Корея, Иран һәм Италиядә булу вакыты һәм урыны турында хәбәр итәргә. Татарстан Республикасы Саба һәм Теләче районнары территорияләреннән яңа коронавирус йогышы очраклары теркәлгән территорияләрдән (201-nCoV) кайткан гражданнарның сорауларына ТР буенча Роспотребнадзор идарәсенең Саба, Мамадыш, Кукмара, Теләче районнары буенча территориаль бүлеге белгечләре 884( 362) 2-39-40 телефоны буенча җавап бирәчәк