10 март көнне Казаклар авылы китапханәсендә Мухамадиева Найлә һәм Шаипова Раъно җитәкчелегендә Кече Кибәхуҗа төп мәктәбе укучылары экскурсиядә булдылар.

2020 елның 12 марты, пәнҗешәмбе

Укучылар өчен “Үткәннәре белән тормыш якты, киләчәге белән өметле” дип исемләнгән информацион сәгать үткәрелде.  Чара барышында  “2020 ел Россиядә Хәтер һәм Дан елы”, “ТАССР төзелүгә 100 ел” дип исемләнгән күргәзмәләргә күзәтү ясалды.  Соңыннан укучылар Бөек Ватан сугышында һәлак булганнар истәлегенә салынган һәйкәл янында булдылар. Бүгенге чараның максаты: укучыларның Бөек Ватан сугышы турыдагы белемнәрен тирәнәйтү, гражданлык һәм патриотик хисләр, туган җиренә, халкына карата горурлык хисе,  ветераннарга, тыл хезмәтчәннәренә, сугыш чоры балаларына хөрмәт хисе тәрбияләү иде.