Безнең җиңүчеләр.
15 нче марта Теләче урта мәктәбе укучылары Шиһапов Нияз, Гатауллин Фәнзил , Дәүләтшин Ильназ, Ибраһимова Алисә, Ибраһимова Эльмира , Ибраһимова Рәмилә Халыкара фәнни – танып белү, иҗади - интеллектуаль «Тамчы — шоу» конкурсында катнаштылар һәм җиңү яуладылар. Халыкара фәнни – танып белү, иҗади һәм интеллектуаль «Тамчы — шоу» конкурсында Теләче урта мәктәбе егетләр командасы “ Дуслык” беренче урынны алды һәм җиңүче булды. “ Йолдызлар” кызлар командасы да унышлы чыгыш ясады һәм икенче урынны алды. Укучылар сорауларга дөрес җавап бирделәр, география , татар теле һәм әдәбияты фәннәрен яхшы белүләрен күрсәттеләр . Ярышта җиңгән өчен укучылар Гәлиәскәр Камал исемендәге дәүләт театрына һәм Габдулла Кариев исемендәге яшь тамашачылар театрларына спектакльләр карарга чакырылдылар. Укучыларны уенга татар теле укытучылары З.Н.Әсәдуллина , Р.Г. Гарипова һәм милли белем буенча директор урынбасары Д.Г. Фәтхрахманова әзерләделәр. Җиңүчеләрне котлыйбыз, алдагы ярышларда да уңышлар телибез!