Муниципаль районнар Теләче муниципаль районы

15 март-Бөтендөнья кулланучылар хокукларын яклау көне.

2020 елның 20 марты, җомга

Айдар мәдәният йортында «Кулланучы һәм аның хокуклары» дип исемләнгән мәгълүмат сәгате үткәрелде. Кулланучыларга кулланучылар хәрәкәте тарихы, законда беркетелгән кулланучы хокуклары, товар сатып алганда күңелсезлекләрне булдырмас өчен һәркем белергә тиеш булган кагыйдәләр турында сөйләделәр. Чарага «Һәркем белергә хокуклы!» анда кулланучылар хокукларын яклау мәсьәләләренә кагылышлы файдалы мәгълүматны үз эченә алган мәгълүмати материал тәкъдим ителде. Мәгълүмат сәгате ахырында барлык катнашучыларга да «Һәркем белергә хокуклы!» дигән буклетлар тапшырылды..

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Бүген район Үзәк ял паркында сәләтле укучылар өчен искиткеч яңа ел чарасы – район башлыгы чыршысы узды.

Бүген район Үзәк ял паркында сәләтле укучылар өчен искиткеч яңа ел чарасы – район башлыгы чыршысы узды. Бу көн бәйрәмдә катнашучылар өчен чын-чынлап үзенчәлекле көнгә әверелде. Бәйрәмгә район тормышының төрле өлкәләрендә үзләрен актив күрсәткән укучылар – уку отличниклары, олимпиадаларда һәм спорт ярышларында җиңүчеләр чакырылган иде. Чарада безнең мәктәптән 15 укучы катнашты. Бу көн балалар өчен якты һәм шатлыклы истәлек булсын, ул аларның йөрәкләрен ел дәвамында җылытып торсын.

Яңа ел алдыннан Баландыш авылы китапханәсендә «Иҗади балалар — дөньяда иң яхшылар!» дип исемләнгән күңелле һәм мавыктыргыч уен программасы үткәрелде.

24 нче декабрь көнне китапханәдә иң актив, иң талантлы укучылар җыелып, узган елга нәтиҗә ясадылар. Балалар үзләренең гади укучылар гына түгел, ә чын мәгънәсендә иҗади һәм сәләтле шәхесләр икәнлекләрен күрсәттеләр.

Кар бөртеге — Яңа ел бәйрәменең иң нәфис һәм гүзәл бизәге.

Мәктәптә хезмәт дәресләрендә аларны ничек итеп оста итеп кисүне һәркем җылы хәтерли. Әлеге көндә һәр укучының иң матур һәм үзенчәлекле «кар бөртеге» ясау мөмкинлеге туды. 25 декабрьдә Олы Мәтәскә авылы мәдәният хезмәткәрләре «Серле кар бөртеге» дип исемләнгән мастер-класс үткәрделәр. Дустанә һәм җылы атмосферада балалар кәгазьдән нәфис кар бөртекләре кисеп, иҗат дөньясына чумдылар. Мәдәният хезмәткәрләре катнашучыларны кар бөртекләре ясау серләре һәм техникасы белән таныштырдылар. Балаларга матур, серле һәм үзенчәлекле кар бөртекләре ясау процессы бик ошады.

декабрь, 2025 ел

24 декабрь көнне Теләче балалар китапханәсендә кече яшьтәге мәктәп укчылары белән «Редьярд Киплингның мавыктыргыч дөньясы» дип аталган квест - уен уздырылды.

Балалар дөньяга кызыклы һәм гыйбрәтле әкиятләр бүләк иткән язучының тормыш юлы һәм иҗаты белән таныштылар. Булачак язучының балачагы Һиндстанда - табигате һәм хайваннары аның иҗатында чагылыш табачак чишелмәгән серләр, табышмаклар һәм кызыктыргыч маҗаралар илендә узган.

ЯҢАЛЫКЛАРГА ЯЗЫЛУ