ЯҢАЛЫКЛАР
Айдар мәдәният йортында "Терроризм-явызлык, терроризм-безнең уртак бала "дип исемләнгән әңгәмә үткәрелде. Әңгәмә "Терроризм һәм экстремизм — хәзерге заманның иң куркыныч һәм явыз күренешләре.
14 февраль көнне Теләченең беренче номерлы балалар бакчасында, татар теле тәрбиячесе Сабирзянова Л.М. герой – шагыйрь Муса Җәлилнең иҗатына багышланган “Муса Җәлил – безнең арада” дигән темага әдәби кичә үткәрде. Әлеге чара барышында балалар шагыйрьнең тормыш юлы һәм иҗатына багышланган презентация карадылар. Балаларга шагыйрь турында кызыклы мәгъүматлар бирелде: аның балачакта зирәк, акыллы, кызыксынучан булуы, мәдрәсәгә йөргән вакытта ук инде иптәшләренә яттан Г.Тукай шигырьләрен сөйләве, оста итеп рәсем ясарга яратуы турында балалар кызыксынып тыңладылар. Муса Җәлилнең үзе теләп туган илне сакларга сугышка китүе, фронтта күрсәткән батырлыклары турында да сөйләнелде. Балалар яттан Муса Җәлилнең “Шакир белән Гали”, “Ишек төбендә” һ.б шигырьләрен укыдылар һәм аның шигырьләренә язылган “Әтәч”, “Чишмә”, “Сәгать” җырларын җырладылар. Ә “Өч ул” шигырен балалар бик теләп сәхнәләштерделәр.
2020 елның 15 февраль көнендә Олы Мәтәскә авылында яшәүче тыл ветераны Загидуллина Галимә Габделхак кызына 90 яшь тулды. Шул уңайдан Бибисәидә апага Россия Президенты Владимир Путинның, Теләче муниципаль районы башкарма комитеты җитәкчесе Нәҗип Хаҗиповның тәбрикләмәләре тапшырылды.
Һәрбер дәүләтнең символикасы бик мөһим. «Символика» төшенчәсе астында флаг, гимн һәм гербны күз алдында тота.
Алар безнең илдә дә, безнең республикада да, Татарстан Республикасында да бар.
6 февраль көнне Айдар мәдәният йортында ТАССРның 100 еллыгын бәйрәм итү уңаеннан Татарстан Республикасының гербын кабул итү көненә багышланган “Республикам символлары” дип исемләнгән викторина үткәрелде. Клуб мөдире балаларга ТР гербының республикабызның дәүләт символы булуы турында сөйләде. Балалар ТР символлары турында, Канатлы барс турындагы легендаларны зур игътибар белән тыңладылар
Әлеге эшнең максаты-яшь буында туган илебезнең казанышлары өчен горурлык, үз халкының гореф-гадәтләренә сакчыл караш формалаштыру, дәүләт символикасына мөрәҗәгать итү аеруча мөһим.
9 февральдэ Үзәк авылы мәдәният йортында Алан мәдәният йорты каршында эшләп килүче "Умырзая "театр коллективы тарафыннан әзерләнгән Исламия Мәхмүтованың “ Мәхәббәт чишмәсе"спектакле сәхнәләштерелде. Спектакль югары дәрәҗәдә бәяләнде - халык аягүрә басып алкышларга күмде.
Ачы мәдәният йортында, китапханә белән берлектә, балалар һәм яшүсмерләр өчен «Планетаңны җылы исем белән сакла»дигән экологик викторина үткәрделәр. Балалар хайваннар һәм үсемлекләр тормышы турында тест сорауларына җавап бирделәр, табигать күренешләре турында мәкальләр һәм әйтемнәр искә төшерделәр. Чара барышында мәдәният хезмәткәрләре катнашучыларга табигатькә һәм бөтен тереклеккә игътибар һәм кайгыртучанлык белән карарга кирәклеге турында сөйләделәр. Чара ахырында табигать турында иң яхшы рәсем конкурсы үткәрелде.
13 февраль көнне Айдар мәдәният йортында герой-шагыйрь, Ленин премиясе лауреаты Муса Җәлилнең тууына 114 ел тулу уңаеннан "Җәлилнең үлемсез юллары" дип исемләнгән әдәби сәгать үткәрелде.
Әдәби танышу сәгатенә Айдар балалар бакчасында тәрбияләнүчеләр һәм башлангыч сыйныф укучылары чакырылды. Балалар шагыйрьнең кырыс фронт көннәре, фашист концлагерьларында үткәрелгән куркыныч,авыр вакытлары турында белделәр.
Рәхимсез газаплар да, үлүчеләр камерасы да шагыйрь ихтыярын сындырмый. Ул, Ватанга бирелмичә, герой буларак, җәзаланды. Муса Җәлил исеме гуманизмның чагылышы, батырлык символы булды. Ул кыска, әмма кайнап торган эшчәнлек белән тулы, якты тормышта яшәде.
Чара ахырында барысы бергә шигырьлләрен укыдылар, "Салют сиңа, Муса Җәлил", "Җырларым" кебек җырларын җырладылар.
Муса Җәлил әнә шундый исемнәрнең берсе. Шагыйрь үзенең бөтен гомерен туган иленә, туган халкына багышлады. 15 февраль- каһарман шагыйрь М.Җәлилнең тууына 114 ел тулу уңаеннан Урта Мишә авыл китапханәсендә, клуб белән берлектә, “Муса Җәлил каһарман шагыйрь” – исемле батырлык дәресе үткәрелде. Күргәзмәдәге китапларга күзәтү уздырылды. Муса Җәлил татар халкының герой шагыйре, Бөек Ватан сугышы батыры. Җәлилнең батырлыгы, иҗаты үлемсез, җырга әйләнгән гомере – мәңгелек. Язучының иҗатына багышланган “Муса Җәлил иленә сәяхәт” исемле презентация күрсәтелде.
Бөек Җиңүнең 75 еллыгы ул 75мең батырлык бите. Әлеге бәйрәм уңаеннан, 13 февраль көнне Шәтке авыл китапханәсендә Шәтке урта мәктәбенең 3 сыйныф укучылары өчен «Сезнең батырлык үлемсез, сезгә мәңгелек дан»дип исемләнгән патриотик дәрес үткәрелде. Китапханәче балаларга Җиңү көненең илебезнең барлык кешеләре өчен изге көн булуы һәм киләчәктә дә шулай булып калуы турында сөйләде. Китапханәдә булган очрашу, сугыш еллары вакыйгалары һәм безнең өчен җирдә тынычлыкны яулаган кешеләр турында тагын бер кат искә төшерү өчен сәбәп. Бөек Ватан сугышы елларында күп кенә якташларыбызның югары хәрби бүләкләр алганын да искә төшерделәр. Каһарман шагыйрь Муса Җәлилнең батырлык турындагы шигырьләре укылды.
14 февраль көнне Максабаш авылы мәдәният йортында китапханәче белән берлектә ТАССР ның тууына 100 ел тулу уңаеннан «Мин яратам сине Татарстан» дип исемләнгән мәгълүмати сәгать үткәрелде. Чара Татарстан гимны белән башланып китте. Яшьләр республикабызның ничек барлыкка килүе татар халкының кайсы төрки халыктан килеп чыгуы турында мәгълүмат алдылар. Әңгәмә барышында алар туган авылыбызның тарихы, табигате, гореф-гадәтләре,авылдан чыккан күренекле шәһесләре һәм зыялы кешеләре белән таныштылар. Мәгълүмати сәгать викторина сорауларына жавап биру белән тәмамланды.