ЯҢАЛЫКЛАР
8 январьдә Алан хоккей мәйданчыгында 4 команда катнашуында хоккей турниры уздырылды. Уен нәтиҗәләре буенча беренче урынга “Аюлар” эшче-яшьләр командасы, икенче урынга Югары Кибәхуҗа яшьләре командасы, өченче урынга Ямбулат авыл яшьләре командасы чыкты. Җиңүчеләргә турнирның төп спонсоры Фазылҗанов И.Ф. акчалата бүләк өләште.
Спортсменнарны җиңүләре белән котлыйбыз, аларга алдагы ярышларда зур уңышлар телибез.
Балалар әлеге бәйрәмне аеруча да көтеп ала. Бу арада барлык балалар бакчаларында да бәйрәм чаралары булып узды. Безнең Теләченең беренче номерлы балалар бакчасының барлык төркемнәрендә дә бәйрәм иртәләре гөрләде. Балалар бәйрәмгә бик ныклап әзерләнгәннәр иде. Бәйрәмгә килгән әкият геройлары бәйрәмне тагын да ямьләндереп җибәрде. Бәйрәмнең иң күңелле мизгелләре ул – Кыш бабай һәм Кар кызын каршы алу. Балалар Кыш бабай һәм Кар кызына үзләренең һөнәрләрен күрсәттеләр. Кыш бабай белән Кар кызы балаларга кушылып чыршы тирәли җырладылар, биеделәр, уеннар уйнадылар. Бәйрәмнең иң күңелле өлеше булып Кыш бабайның заманча аппаратыннан бүләк алу балаларга да ,тамашачыларга да бик тә ошады.Балалар да, әти-әниләр дә бәйрәмнән күтәренке күңел белән таралышты. Барыгызны да якынлашып килүче Яңа ел бәйрәме белән!
5 нче январь көнне «Арча” спорткомплексында Спорт һәм сәламәтлек декадасы кысаларында 2004-2005 нче елгы балалар арасында футбол ярышлары узды. Безнең командалар 2 нче урын алды һәм диплом, кубок белән бүләкләнделәр. Җитәкчеләре Хакимов Р.Р.
Балалар әбинең өй эшләрендә эшләделәр, өй каршындагы карларны көрәделәр. Вәрәкия эби укучыларга үзенең балачагы турында сөйләде. Мондый акцияләрне үткәрү буыннар бәйләнешен ныгыта, өлкәннәргә хәлләренә булган яхшылыкны, игътибарны тоярга ярдәм итә.
Берсеннән берсе кызыклы уеннар, дәртле биюләр, күңелле җырлар, сәхнә костюмнары һәм әлбәттә инде елдагыча бәйрәм дискотекасы оештырылды.
Шул бәйрәмнәрнең иң көтеп алынганы, әлбәттә, борынгы мәҗүсилектән, ата-бабаларыбыздан ук килгән күңел ачу бәйрәме “Нардуган”. Нардуган көннәрендә алар кеше танымаслык итеп киенеп, өйдән-өйгә йөреп өй хуҗаларын Яңа ел, Раштуа бәйрәмнәре белән котлап йөриләр. Субаш авылында Нардуган бәйрәме шаулап-гөрләп уза. Һәр елны диярлек каникул көннәре “Нардуган” бәйрәменә туры килә. Быел да яшьләр төрле костюмнар киенеп уты булган өйләргә, туган-тумачаларына кереп һәм Раштуа бәйрәмнәре белән котлап йөрделәр, теләкләр әйттеләр. 7, 8 гыйнвар көннәрендә авыл клубында Яңа ел чыршысы янында кич утыру оештырылды. Кыш бабай белән Кар кызы нардуганчылар белән чыршы тирәсендә төрледән төрле Яңа ел җырлары җырлап әйләнделәр, төрле кызыклы уеннар оештырылды.
Кошлар өчен җимлекләр уңайлы булырга тиеш.Рәхим итеп ашагыз кошкайлар!
5 январь конне Ямбулат авыл клубында балалар елкасы уздырдылар. Алар кыш бабайга шигырь сөйләделәр,җырлап-биеп күрсәттеләр. Кыш бабайдан күчтәнәч алдылар.
9нчы гыйнвардан 22нче апрельгә кадәр республикада "Йолдызлык-2017" яшьләр телевизион эстрада фестивале узачак. Безнең мәктәп укучылары төрле номинацияләрдә катнашачак.
Балаларда китап, газета-журналлар уку теләкләрен арттыру максатыннан, 2 нче январь көнне Айдәр башлангыч мәктәбендэ авыл китапханәчесе белән очрашу үткәрелде. Алсу апалары балаларга китапка мәхәббәт, сак караш турында сөйләде. Укучылар китапханәдән каникул вакытында укырга кызыклы китаплар алдылар.