ЯҢАЛЫКЛАР

2016 ел – Татарстанда Идел һәм Чулман Су саклау зоналары елы дип игълан ителде. Һәр ел саен,  22 мартта кешелек Бөтендөнья Су чыганаклары көнен билгеләп үтә. Шул уңайдан, 23 март көнне, Теләче балалар китапханәсендә презентация кулланып “Су – тормыш чыганагы” дигән әңгәмә үткәрелде. Балалар игътибарына су турында бик күп гадәти булмаган фактлар тәкъдим ителде. Су без күрә торган гадәти һәм гади матдә генә түгел, ул безнең организмыбызның нигезе һәм җирдәге тереклек чыганагы. Шул ук вакытта ул бик күп яшерен серләр саклый. Галимнәр суны тикшерүләрен бүгенге көндә дә дәвам иттерәләр һәм күп төрле кызыклы ачышлар ясыйлар. Моннан тыш, без суның кайдан килеп чыгуы, аның нәрсәләрдән торуы, аны ни өчен чистартырга кирәклеге һәм башкалар хакында да мәгълүмат бирдек. Әлеге кызыклы фактлар китап укучыларыбызны суга сакчыл карашта булырга, аңа бәяләп булмастай байлыкка караган кебек карарга һәм су чыганакларының кечкенәдән үк кадерен белеп үсәргә өйрәтерләр, дип ышанып калабыз.

Ул балалар абонементыннан башланып китте. Иң элек китапханә, әбүнә, уку залы, формуляр, күргәзмә төшенчәләренең мәгънәләре аңлатылды, шулай ук, балалар китапханәче һөнәре турында белделәр, китапханәнең бүлекләре; үз – үзеңне тоту кагыйдәләре белән таныштылар. Соңыннан бергәләп нәни китапчыклар, җәелмәле китаплар, уенчык – китаплар һәм төрле темаларга багышланган энциклопедияләрне карап чыктылар.

21 март – Халыкара шигърият көне.  Шул унайдан, Айдар авылы  мәдәният йортында, авыл китапханәсе белән берлектә, "Оста куллар"  бәйләү-чигү берләшмәсенэ йөрүчеләр катнашында “Шигырьләр түшәлгән сукмакта” дип исемләнгән поэзия сәгате үткәрелде. Чәй табыны артында үткәрелгән әлеге чарада якташ шагыйрьләребезнең шигырьләре укылды. 

Җылы яклардан туган якларыбызга кошлар кайта. Шул уңайдан 18 март көнне Баландыш авылы мәдәният йортында, киапханәче белән берлектә рәсем ясарга яратучылар берләшмәсенә йөрүче укучылар белән “Кошлар – безнең дусларыбыз!” – дигән рәсем конкурсы оештырылды.Укучылар үзләренең яраткан кош рәсемнәрен ясадылар. Рәсем ясау бәйгесендә иң яхшы рәсем остасы итеп Чулпан Мубаракшина билгеләнде. Ахырдан һәрбер катнашучыга бүләкләр тапшырылды.

19 март көнне Субаш авыл клубында “Бер күрешү үзе бер гомер” исемле матур кичә уздырылды. Кичәдә Балык Бистәсе районы Алан –Полян авылы клубы каршында шөгыльләнүче үзэшчәннәр катнашты.  Кичә бик матур һәм эчтәлекле булды.

      17 март көнне Айдар мәдәният йорты каршында эшләп килүче "Балкыш" фольклор берләшмәсе көче белән V Бөтендөнья татар эшкуарлар конгресы кунаклары каршында "Сепарат аерту өмәсе" белән чыгыш ясадылар.

Балалар  өчен  кызыклы һәм мавыктыргыч шөгыльләр күп. Һәм алар ниндидер яңалыкны яратып кабул итәләр. Айдар авылы мәдәният йортында  "Бәхетле балачак" берләшмәсенә  йөрүче   балалар  төсле җепләрдән матур аппликацияләр   ясау   белән шөгыльләнәләр. Чираттагы   аппликация   Теләче районы оешуга 25 ел тулу уңаеннан әзерләнде. 

19 март көнне Шәтке авылында авыл җирлеге, мәдәният хезмәткәрләре , мәктәп белән берлектә "Нәүрүз" бәйрәме үткәрелде.  Бәйрәм  Нәүрүзбикә килү белән башланып китте. Балалар һәм авыл кешеләре төрле спорт уеннарында катнаштылар. Килгән кунаклар кайнар коймак, казанда пешкән ботка белән сыйландылар. Бәйрәм көне буе дәвам итте.

Яшь кешенең наркотиклар куллана башлавы - ул аның бәхетсезлек юлын сайлавы, әти-әниләренә, җәмгыятькә хыянәт итүе дигән сүз. Наркомания кешелек җәмгыятенә коточкыч зур зыян китерә. Шуңа күрә наркоман - яшүсмерләр белән түгел, наркоманиянең таралуына уңай шартлар тудырган өлкәннәрнең хаталарын булдырмау өчен көрәшергә кирәк. Наркомания – замана чире. Кеше үз сәламәтлеге турында үзе кайгыртырга тиеш. Шуңа да наркотикларны татып карау тәкъдиме ясалуга бердәнбер дөрес җавап – алардан кискен төстә баш тарту!  Шушы теманы яктыртып 20 мартта Баландыш мәдәният йортында студентлар белән түгәрәк өстәл артында “Наркомания – замана чире” дигән әңгәмә оештырылды.                            

24 март көнне Иске Җөри авылы китапханәчесе Гильмутдинова Р. «Китап белән дус булыйк» акциясе кысаларында  мәктәп укытучыларына яңа китаплар тәкъдим итте.