Муниципаль районнар Теләче муниципаль районы

ЯҢАЛЫКЛАР

октябрь, 2015 ел

пәнҗешәмбе

30 октябрь көнне Репрессия корбанарын искә алу көне, шул уңайдан без Урта Мишә авылы мәдәният хезмәткәре, китапханәче белән берлектә, авылдашыбыз Гөмәр Бәйгурны искә алу йөзеннән укучылар белән бергә, туганы Вәсилә Газизуллиналарда булдык.

Аның тормыш юлын, эшчәнлеген бер кат искә төшердек.

Ачык дәресләр.

Кичә, 28 октябрь көнне районыбызның быел аттестация узучы укытучылары база мәктәпләрендә ачык дәресләр уздырдылар. Укытучылар арасында Олы Мишә урта мәктәбе укытучылары да бар иде. Башлангыч сыйныф укытучылары Борханетдинова Р.Җ., Кәримова Г.Г. һәм география укытучысы Муллахмәтова Р.Ә. дәресләренә Иске Җөри һәм Олы Нырсы урта мәктәпләрендә район комиссиясе тарафыннан бәя бирелде. Дәрес тәмамлангач укытучылар дәресләренә үзанализ ясады. Комиссия тарафыннан дәресләр ФГОС таләпләренә туры килә һәм уңышлы үтте дип бәяләнде.

Яшь талантлар бәйгесе үткәрделәр.

2015 елның 29 октябрь көнне “Родник” халыкка социаль ярдәм күрсәтү үзәгенең белгечләре, Парклар һәм Скверлар елы уңаеннан, районыбызның ял паркында социаль яктан авыр тормышлы гаиләләрдәге балалар белән яшь талантлар бәйгесе үткәрделәр.

Әлеге бәйге балаларның сәләтләрен ачыклау өчен үткәрелә. Шулай ук аларда туган якка карата мәхәббәт уятуга, сәнгатьне яратырга һәм башка эстетик таләпләрен ачырга көч куела.

2015 елның 28 октябрь көнне “Родник” халыкка социаль ярдәм күрсәтү үзәгенең Гаилә һәм балаларга ярдәм күрсәтү бүлеге белгечләре Казан шәһәрендә узган балигъ булмаган балаларга каршы мәрхәмәтсезлек буенча профилактик форумда катнаштылар.

Форум барышында әлеге темага кагылышлы программа, проектлар һәм методик китаплар күргәзмәсе дә үткәрелде. Шуклай ук социаль ярдәмгә мохтаҗ булган балаларның рәсемнәр күргәзмәсе булды.

Форум җыелыш белән башланып китте, соңрак балигъ булмаган балаларга кагылышлы мәсәлә буенча 2 бүлек үткәрелде.

Яңа уку елы башланганнан бирле Субаш авыл китапханәсендә, мәктәп укучылары хозурына “Кызлар һәм малайлар, сезнең өчен акыллы китаплар!” исемле китап күргәзмәсе эшли.

Күргәзмәдә укучыларга мәктәп программсын үзләштергәндә ярдәмлекләр, укуга теләкне арттыруга булышырдай китаплар урын алды. Иң күп кызыксыну уятканнары, әлбәттә, энциклопедияләр булды. Чөнки ул китаплар, балаларны үзләренә җәлеп итәрдәй матур, мәгънәле, кызыклы итеп эшләнгәннәр. Бу китаплардан кызыксындырган барлык сорауларга җавап табарга була.

Шәтке мәдәният хезмәткәрләре Габдуллина Флера һәм Галимул-лина Кәүсәрия "Уятмакчы булсаң, халык күңелләрен" дигән фестивальгә әзерлек эшләре алып баралар.

Берләшмәгә йөрүче балалар белән сценарий язылды. Сәхнәне бизәү эшләре башланды.

“Терроризм- җәмгыятнең зур бәләсе”

28 октябрь көнне Алан авыл китапханәсендә мәктәп укучылары белән “Терроризм- җәмгыятнең зур бәләсе” дигән темага әңгәмә узды.

Ачы мәдәният йортына йөрүче балалар кул эшләре белән шөгельләнәләр.

Соңгы очрашуда балалар “Көзге муллык” композициясен ясадылар. Шулай ук “Спорт –ул көч” берләшмәсенә йөрүче балалар теннис, шашка, шахмат белән дә шөгыльләнәләр, ярышлар уздыралар.

Шәтке мәдәният йорты хезмәткәрләре Габдуллина Флера һәм Галимуллина Кәүсәрия "Уятмакчы булсаң, халык күңелләрен" дигән фестивальгә әзерлек эшләре алып баралар.

Сценарий язылды, берләшмәгә йөрүче балалар белән сәхнәне бизәү эшләре башланды.

Солдат егетнең әти - әниләре, улларының яхшы хезмәт итүе белән чын күңелдән горурланалар.

Субаш авылы клуб мөдире белән китапханәче, армия сафларында хезмәт итүче бердәнбер солдат егетебез Чернов Николайның әти әниләре белән очрашып, аның язган хатларын укып, ничек хезмәт итүе турында кызыксындылар.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ