Муниципаль районнар Теләче муниципаль районы

ЯҢАЛЫКЛАР

октябрь, 2015 ел

пәнҗешәмбе

25 октябрь көнне Казаклар авылы китапханәсендә «Салават күпере сыман, балачак китаплары» исеме астында китап күргәзмәсе оештырылды.

Анда класстан тыш уку өчен китаплар урнаштырылды. Күргәзмәдәге китапларга күзәтү үткәрелде.Тәкъдим ителгән китаплардан өзекләр укылды. Балалар үзләренә ошаган китапларны өйләренә укырга алдылар.

Әбде авыл китапханәсендә Әдәбият елына багышланган китап күргәзмәсе оештырылды.

Бу күргәзмәдә кеше тормышының иң матур вакытына - мәктәп чорына багышланган әдәбият әсәрләре урын алган. Әдипләребезнең әлеге теманы яктыртучы әсәрләре шактый. “Китап –минем дустым” дип аталган күргәзмәдәге китапларны укып балалар үз яшьтәшләренең кызыклы маҗаралары белән таныша алалар.

Милли китапханә - Татарстаныбызның йөзек кашы.

Ул республиканың башка китапханәләреннән чал тарихлы, бай мираслы югары сәнгать йорты булуы белән аерыла. 25 октябрь көнне, Айдар авылы китапханәсендә, Милли китапханә оешуга 150 ел тулу уңаеннан "Тиңе булмас кыйммәтле мирас" дип исемләнгән күргәзмә оештырылды.

24 октябрь көнне Шәтке авылы китапханәсендә "Сәламәтлек сагында" дигән китап-күргәзмә ясап куелды.

Күргәзмәгә медицина өлкәсенә караган китаплар куелды.

26 октябрь көнне Теләче мәктәбе базасында Татарстан Республикасының укучылар спартакиадасы кысаларында шашка һәм шахмат буенча муниципаль этап ярышлары булып узды.

Шашка буенча ярышларда 2001-2002 һәм 2003-2004 елгы укучылар, ә шахмат ярышларында 2001-2002 елгы балалар катнашты.

Ярышларда Теләче районының 7 мәктәбеннән (Шармыш, Иске Җөри, Үзәк, Кече Кибәхуҗа, Теләче, Олы Нырсы һәм Баландыш мәктәпләре)барлыгы 84 бала катнашты. Ярыш нәтиҗәләре буенча җиңүчеләр түбәндәгечә билгеләнде: 1 урында - Иске Җөри мәктәбе, 2 урында – Олы Нырсы мәктәбе, 3 урында – Теләче мәктәбе. Җиңүче мәктәп Теләче данын финал ярышларында яклаячак.

октябрь, 2015 ел

чәршәмбе

Балалар бакчасында баланы дөрес итеп русча сөйләргә өйрәтү, аның сүз байлыгын арттыру, үз фикерен башкаларга ачык, аңлаешлы итеп сөйләргә өйрәтү балалар бакчасының төп бурычы булып тора.

Тел баланың барлык фән буенча белем алуына юл ача, фикер йөртү сәләтен үстерә һәм акыл үсешенә ярдәм итә. Балаларның ике телне дә яхшы белүләре мөһим.Эш дәфтәрләре балаларның уйлау,фикерләү сәләтен үстерүдә , аларның сүзлек запасын баетуда бик зур ярдәмлек. Балалар дәфтәрләр белән эшне бик яратып башкаралар .

22 – 24 октябрь көннәрендә Казан шәһәренең “Ак Барс” көрәш сараенда Авыл хуҗалыгы һәм азык-төлек министрлыгы призына татарча көрәш ярышлары булып узды.

Әлеге ярышларга Телэче муниципаль районы 2 команда куйды. Гомуми нәтиҗәлэр буенча “Теләче” командасы II, “Сот иле” командасы 17 урынны яулады.

Укыту процессы педагог – психологларның ярдәменә мохтаҗ.

Шул уңайдан, Олы Мишә урта мәктәбендә педагог – психолог унөч яше тулган укучыларга шәхси психологик тест үткәрде. Киләчәктә аның нәтиҗәләрен укучы шәхесен үстерүдә, фәннәрне уңышлы үзләштерүдә кулланырбыз.

28 нче октябрь көнне районыбызда Татарстан Республикасы Дәуләт Советының инвестицияләр, икүтисад һәм эшмәкәрлек буенча Комитет әгъзалары булып киттеләр.

Алар “Теләче” икътисад Паркы эшчәнлеге белән таныштылар. Соңыннан Теләче муниципаль район хакимиятенең утырышлар залында “Җирле товар җитештерүчеләр, шул исәптән кече һәм урта эшмәкәрлек субъектларына дәүләт ярдәме күрсәтү” дигән темага “Түгәрәк өстәл” узды. Утырышны комитет рәисе Борһанов Рафис Тимерханович алып барды.

22-25 октябрь көннәрендә Биектау районында « Байтик» с әламәтләндерү үзәгендә чираттагы республикакүләм ярыш узды. «ФОРПОСТ» җәмәгать тәртибен саклау оешмасы инициативасы белән узучы спартакиада 15 нче тапкыр үтте.

Барлык уен нәтиҗәләре буенча Теләче командасы өченче урынга лаек булды. Чара ахырында командага Мактау грамотасы,җылыткыч мич бүләк ителде.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ