ЯҢАЛЫКЛАР
Татарстан Республикасы Мәгариф һәм фән Министрлыгының 09.09.2015 №9257/15 "2015-2016 нчы уку елында башлангыч мәктәптән төп мәктәпкә күчкәндә укучыларга старт диагностикасы үткәрү" приказы нигезендә, 2 октябрь көнне Татарстан Республикасының барлык мәктәпләрендә, шул исәптән Олы Мишә урта мәктәбендә дә 5нче сыйныф укучылары математикадан старт диагностикасы үтте. 9нчы һәм 11 сыйныф укучылары исә математика фәненнән муниципаль тестлаштыруда катнашты.
2 октябрь көнне Югары Кибәхуҗа урта мәктәбендә тормыш иминлеге нигезләре фәненнән Бөтенроссия ачык дәрес үткәрелде. Укучыларга гражданнар оборонасы буенча презентация күрсәтелде. Укучылар көндәлек куркынычсызлыгы кагыйдәләрен кабатладылар. Барысы да алган белемнәрдән канәгать калды.
Хөрмәтле укытучыларыбыз!
Сезне чын күңелдән һөнәри бәйрәмегез – Укытучы көне белән котлыйбыз!
Бүгенге истәлекле көндә барлык педагогларга рәхмәт сүзләре белдерәсе һәм хөрмәт күрсәтәсе килә. Сезнең профессиональ, игътибарлы, таләпчән булуыгыз һәм күңел җылыгыз безнең балаларга сәләтләрен һәм талантларын ачарга ярдәм итә.
Кем булуыбызга һәм нинди һөнәр сайлавыбызга карамастан, һәрбербезнең тормышында үз Укытучысы булган. Без барыбыз да, барыннан элек, кемнәрнеңдер укучылары, бездә булган яхшы сыйфатлар – алар да шул исәптә зирәк остазларыбыз хезмәте. Чын укытучы – ул белем бирүче генә түгел , ә укучыны шәхес итеп тәрбияләүче дә.
1 октябрь көнне Теләче Үзәк китапханәсендә өлкәннәр көненә багышланган, “Тормыш көзе –алтын чор” дип исемләнгән очрашу –кичә булып узды. Бу кичәгә мәдәният өлкәсендә эшләп лаеклы ялга чыккан хөрмәтле өлкәннәр чакырылды.
Хәзерге вакыттагы карт кешеләрнең ямьле, шатлыклы балачагы булмаган. Аны сугыш тартып алган, ачлык-ялангачлык, ә инде сугыштан соң хәерчелек. Гомерләре буе хезмәттә кайнаган, сугыш һәм сугыштан соңгы авырлыкларны иңнәрендә күтәргән, колхоз нужасын беренче көннәреннән үк тәртәгә җигелеп тарткан әби-бабаларыбыз картлык көннәрендә зур игътибарга, хөрмәткә лаек.