Юл йөрү кагыйдәләренең җәяүлеләргә кагылышлы өлешенә 1 июльдән үзгәрешләр кертелә. Тәүлекнең караңгы вакытында юл читеннән баручы җәяүледә машина утын чагылдыра торган элементлар кертелгән кием булмаса, ул штрафка тартылырга мөмкин. ЮХИДИ идарәсендә моның олы юлларда җәяүлеләрнең тапталу очракларын киметүгә өлеше зур булачак дип исәплиләр. Шул максаттан 3нче балалар бакчасында ЮХИДИ хезмәткәрләре белән очрашып әңгәмәләр узды. Әти –әниләргә төркемнәрдә аңлатмалар куелды, балаларга киемнәрдә чагылдыра торган элементлар алу турында киңәш ителде.