Муниципаль районнар Теләче муниципаль районы

ЯҢАЛЫКЛАР

сентябрь, 2015 ел

җомга

3 сентябрь Россииядә терроризм белән көрәштә Теләктәшлек көне итеп билгеләп үтелә.

Балалар иҗат үзәге түгәрәкләрендә бүген мәгълүмати минутлар, китап һәм брошюралар күргәзмәлекләре оештырыла, бер минут тынлык игълан ителә. Кече яшьтәге балаларга “Сизгер булыгыз” дип исемләнгән дәрес үткәрергә тәкъдим ителде.

Ел саен Россиядә 3 сентябрь терроризмга каршы көрәштә теләктәшлек Көне булып билгеләп үтелә.

Бу дата Төньяк Осетиянең Беслан шәһәрендә 2004нче елгы куркыныч вакыйгаларга бәйле рәвештә, 2005 елда федераль закон нигезендә билгеләнә. Беслан шәһәренең 1нче номерлы мәктәбендә булган бу теракт нәтиҗәсендә 300 кеше, шул исәптән 150 бала һәлак була.

1 сентябрь көнне Кече кибәхуҗа төп мәктәбе яраткан укучыларына кабаттан үзенең ишекләрен ачты.

Бу уку елында анда 29 укучы белем алачак. Бәйрәмнең тантаналы өлешеннән соң укучылар якты классларда беренче сыйныф сәгатләрен башлап җибәрделәр. Аларга тынычлык турында дәрес һәм БөтенРоссия ГТО дәресләре үткәрелде.

Югары Кибәхуҗа балалар бакчасында тәрбияләнеп чыгып, бүген 11 нче класста белем алучы Мубаракзянов Адел көрәш буенча район, республика бәйгеләрендә призлы урыннарны яулый.

Без балалар бакчасында тәрбияләнүчеләр көрәш серләренә төшенү максатыннан Адел белән очраштык.

Югары Кибәхуҗа урта мәктәбендә шаулап Белем бәйрәме үтте.

Быел беренче сыйныфка 3 укучы килде. Укучыларны тәбрикләргә бик күп кунаклар килгән иде.

Теләченең 2нче номерлы балалар бакчасында "Мин талантлы" атналыгы башланып китте.

Бу атналык дәвамында балалар бакчасына йөрүче сабыйлар районыбызның талантлы кешеләре белән очрашачаклар,шулай ук балаларның үзләренә дә төрле өлкәләрдә булган сәләтләрен ачарга мөмкинлекләр тудырылачак .Бүген ,шушы атналык кысаларында, зур төркемнәрдә тәрбиячеләр "Сәләтле кешеләр" темасына әңгәмә үткәрделәр.Балаларга районыбыздан чыккан талантлы шәхесләр турында сөйләделәр.

5 сентябрьдә татар язучысы һәм тәрҗемәче Фирая Зыятдиновага 70 яшь тула.

Әлеге истәлекле дата уңаеннан, 2 сентябрьдән Теләче Үзәк балалар китапханәсендә “Мин кояшка елмаям!” күрсәтмәле китап күргәзмәсе эшли.

2 сентябрь конне Әбде авыл җирлеге хезмәткәрләре белән берлектә көзге экологик өмә оештырылды.

Белем бәйрәменнән соң 2 сентябрь конне Олы Нырсы урта мәктәбенең барлык укучылары да күтәренке күңел белән җәйге яллардан соң дәресләргә килделәр.

Техника куркынычсызлыгы кагыйдәләрен төгәл үтәү – мәктәптә эшләүче һәрбер хезмәткәрнең төп бурычы.

Шул максаттан чыгып, бүген Олы Мишә урта мәктәбенең хезмәтне саклау буенча җитәкче Газизуллин Радик Әнварович укучылар өчен инстуктаж үткәрде. Ул юлда , җәмәгать урыннарында үз- үзеңне тоту кагыйдәләрен аңлатты,инструктаж журналларына кул куйдырды.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ