ЯҢАЛЫКЛАР
Шушы көннәрдә “Ключ на старт” Бөтенроссия рәсем һәм декоратив-кулланма эшләр иҗат итү буенча балалар һәм яшүсмерләр бәйгесенә йомгак ясалды. Җиңүчеләр арасында безнең 1 нче номерлы “Алёнушка” балалар бакчасына йөрүче Мәхмүтова Диләрә дә бар. Ул, тәрбиячесе Гарипова Гөлшат Илһам кызы җитәкчелегендә конкурска үзенең иҗат җимешен юллап, Татарстан Республикасы буенча төп номинациядә беренче урын яулады.
Теләченең 2нче номерлы балалар бакчасында татар халкының милли бәйрәмнәрен оештыруга зур игътибар бирелә. Бәйрәм, күңел ачу кичәләре балаларга, бер яктан, олы шатлык китерү чарасы булса, икенчедән, алар нәниләрнең һәрьяклы үсешен үстерүдә зур этәргеч тә. Моннан тыш балаларның тирә-як, дөнья турында белемнәре арта, иҗади фикерләү мөмкинлекләре үсә.
28 март көнне Олы Мишә гомуми урта белем бирү мәктәбендә беренче язгы өмә үткәрелде.Өмәдә укытучылар, мәктәп хезмәткәрләре актив рәвештә катнаштылар. Иң беренче мәктәп территориясен кардан арындырдык, кар астыннан чыккан чүпләрне җыйдык. Мәктәп тирәсе чистарып , матураеп калды. Тиздән язгы бакча эшләре дә башланыр. Безнең мәктәп инде ул эшләргә дә әзер.