Муниципаль районнар Теләче муниципаль районы

ЯҢАЛЫКЛАР

март, 2015 ел

җомга

Март башында Теләче сәнгать мәктәбендә рәсем бүлегендә “ Балалар хыялы – серле чәчәкләр” дип исемләнгән конкурс иглан ителгән иде.

Балалар бик дәртләнеп бу иҗади эшкә алындылар. Тосләр бизәлешендә һәрберсе үзенең тәкъдимнәрен кертте. Җюри членнарына җиңүчене билгеләү җиңелләрдән булмады. Тегәлләү олешендә балалар бергәләшеп шул искитчеч кулдан эшләнгән чәчәкләр белән залны бизәделәр һәм тәмләп чәй эчтеләр.

Тиздән 9 май - Бөек Җиңүнең 70 еллык юбилее.

Безнең Күкчә авылында 2014 елның көзендә Хакимов Хәмит Гәбделхәй улы ярдәмендә сугышта һәлак булганнар истәлегенә һәйкәл төзелде. Быел зур тантаналар белән ачырга жыенабыз аны. Әлеге урынны без карлардан арындырып,чистартып торырга тиешбез. 9 май бәйрәмендә ул шау чәчәктә утырыр дип планнаштырабыз.

25 март көнне Максабаш мәдәният йорты директоры Зөлфия Гаязова ,җирле үзидәрә рәисе Фәрит Махмутов белән берлектә тыл ветераннарына күчтәнәч пакет өләшеп чыкты.

Ветераннарыбыз бирелгән бүләктән бик канәгать булып,бик зур рәхмәтләр әйтеп калдылар.

26 март көнне Олы Мәтәскә авылы китапханәсендә “Яңа китап – безнең яңа дус” дип исемләнгән мәдәни чара үтте.

Бу чарада төрле сыйныф укучылары катнаштылар. Алар китапханәдә яңа кайткан китаплардан эшләнгән күргәзмә белән таныштылар. Китапханәче укучыларны шул китапларның эчтәлекләре белән таныштырды. Балаларга китапларның эчтәлекләре дә, бизәлешләре дә бик ошады. Укучыларның күбесе китапларны яздырып алдылар.

26 март көнне Айдар авылы китапханәсендә "Иң өлгер укучы" исемле конкурс уздырылды.

Бу конкурста 3 тән алып 7 нче класска кадәрге укучылар катнашты. Башлангыч сыйныфта җиңүче булып китапханәнең иң күп китап укучысы Рахимова Сөмбелә 1 урынга лаек булды. Ул бер минутка 118 сүз укыды. 5 һәм 7 сыйныфлар арасында 1 минутка 160 сүз укып 1 урынга Фаляхова Фәнзия лаек булды. Җиңүчеләрне котлыйбыз!

25 март көнне Олы Мәтәскә урта мәктәбендә Казан дәүләт аграр университеты укытучылары белән очрашу булып узды.

Әлеге очрашуда Югары Кибәхуҗа урта мәктәбенең 11 сыйныф укучылары да катнашты. Очрашуда бердәм дәүләт имтиханын уңышлы тапшыру буенча әңгәмәләр үтте. Укучыларның белем дәрәҗәләре тикшерелде. Үзләрен кзыксындырган сорауларга укучылар җаваплар алдылар.

март, 2015 ел

пәнҗешәмбе

Иске Жөри авылы мәдәният йортында Түбән Саврыш авылы клубы үзэшчән коллективы чыгыш ясады.

Концерт программасында төрледән төрле матур җырлар, дәртле биюләр, элеккеге йолаларны күрсәткән чыгышларны күрергә мөмкин иде.

Концерт авыл халкына бик ошады, артистларны алар кайнар алкышларга күмделәр.

25 март көнне Сауш авылы мәдәният йорты директоры Ильяс Хабибуллин китапханәче белән берлектә "Сау бул кыш!" дип исемләнгән кыш озату бәйрәме үткәрделәр.

Клуб ишек алдында һәм фоеда үткәрелгән спорт һәм милли уеннарда балалар бик теләп катнаштылар. Шулай ук бу бәйрәмгә авылыбыз тыл ветераны Фатыйма апа Гатауллина да килгән иде, ул балаларга күчтәнәчләр өләште. Ахырда уеннарда катнашкан һәрбер балага истәлекле бүләкләр тапшырылды.

25 март көнне район мәдәният йорты сәнгать җитәкчесе Туктамышева Әнисә Хәмит кызы Теләче радиосында “Сәламәтлек һәм иминлек” тапшыруында катнашып, мәдәният йортларында сәламәт яшәү рәвешен пропагандалау йөзеннән нинди чаралар үткәрелүе турында сөйләде.

Аеруча күптән түгел Теләче урта мәктәбе укучылары катнашында уздырылган «Радуга здоровья» дип аталган чарага тукталды. Шулай ук Әнисә Хәмитовна Республикада узучы «Созвездие – Йолдызлык» яшьләр эстрада фестиваленең зона турына йомгак ясады.

Бөек Ватан сугышы һәм тыл ветераннарына кучтәнәч- пакетлар тапшыру

25нче март көнне Айдар, Субаш мәдәният йорты, китапханә хезмәткәрләре авыл жирлеге башлыгы белән берлектә Бөек Ватан сугышы һәм тыл ветераннарына Бөек Җиңүнең 70 еллыгы уңаеннан, кучтәнәч- пакетлар өләштеләр.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ