Муниципаль районнар Теләче муниципаль районы

ЯҢАЛЫКЛАР

февраль, 2015 ел

сишәмбе

Һәр елның ел башында авыл җирлекләренең алдагы елда эшләгән эшләренә отчёт җыелышлары була.

2015 нче елның 5 нче февралендә Айдар авылында халык җыены булып узды. Җыелышта авыл җирлеге башлыгы һәм җирлеккә кергән һәр оешма җитәкчеләренең отчетлары тыңланды.

февраль, 2015 ел

дүшәмбе

6 февраль көнне Ю.Кибәхуҗа авыл мәдәният йортында Арча мәдәни спорт үзәге үзешчәннәре Рәшидә Ибраһимованың “Улларым” исемле драмасын күрсәтте.

Тамашачылар арчалыларның чыгышын көчле алкышларга күмеп, киләчәктәдә безнең сәхнәләрдә тамаша куюларын теләп калды.

Бүген мәктәптә линейка булып узды

Анда 10 класс укучылары дежурлык итү буенча чыгыш ясадылар. Шулай ук 8 класс укучылары Саетов Алмаз һәм Фархуллин Ильяска I Бөтенроссия инженерлар фестивалендә катнашкан өчен сертификатлар тапшырды.

2015 елның 6 феврале көнне Казаклар авыл клубында 2014 елга нәтиҗә ясап халык җыены булып узды.

Җыен концерт программасы белән башланып китте.Җыенда Теләче муниципаль районы башлыгы И.Ф.Зарипов һәм барлык оешма җитәкчеләре катнашты. Кече Кибәхуҗа авыл җирлеге башлыгы Усманов Р.И., мәктәп директоры Ахметзянова Н.Н.., мәдәният йорты мөдире Гимадиева И.Р., балалар бакчасы мөдире Султангараева Г.Г.., фельшерлык – акушерлык пункты мөдире Гарипова С.И. һәм башка җитәкчеләр үзләренең эшләгән эшләренә эчтәлекле чыгышларын тәгъдим иттеләр.

«Умырзая» балалар театр коллективы республикакүләм балалар, яшьләр драма һәм курчак театрлары арасында узучы «Иделкәем» конкурсында чыгыш ясарга әзерләүен дәвам итәләр.

Алар Галимҗан Гыйльмановның «Убырлы карчык әбием» драматик әкият -тамашасын сәхнәгә куячаклар.

Ел саен Теләче №2 балалар бакчасына йөрүче балалар төрле иҗади конкурсларда катнашалар һәм призлы урыннарга лаек булалар.

Быелгы уку елы да искәрмә булмады,2014 елның ахырында Зиннатова Сәидә IIнче республика күләмендә үткәрелүче “Бәхет йолдызы” исемле милли татар сәнгате фестиваль-конкурсында катнашып ,IIнче дәрәҗәле Лауреат исеменә лаек булды.

2015 ел башында Яр Чаллы шәһәрендә яшь башкаручыларның республика күләмендә үткәрелүче ачык фестиваль-конкурсы булып узды. Бу конкурста да Теләче №2 балалар бакчасыннан музыкаль җитәкче Рафикова Л.А. җитәкчелегендә ике бала Юнусова Сәмирә һәи Шайдуллина Иделия “Ялгыз (соло) башкаручы” номинациясендә катнашып,Лауреат исемнәренә лаек булдылар. Барлык балаларны бу җиңүләре белән тәбриклибез!

Бөек Ватан сугышы тәмамлануга 70 ел узса да, сугыш хатирәләре онытылмый.

Шул уңайдан Сауш авылы китапханәсендә “Алар илебез азатлыгы өчен барган көрәшләрдә һәлак булганнар” исемле стенд куелды.

2015 елның 5-6 февраль көннәрендә Балалар иҗат үзәгендә “Не померкнет летопись Победы” дип исемләнгән мәгълүмати баннерлар яклау булып узды.

Олы Мишә урта мәктәбеннән 9 класс укучылары Мингазова Динә һәм Сафиуллина Алия батыр якташыбыз Абдуллла Мотыгуллин турында презентация эшләделәр.

8 февраль көнне Олы Мишә авыл китапханәсендә “Ак калфак” хатын-кызлар берләшмәсе килен каршылау кичәсенә әзерлек эше башлап җибәрде.

Татар халкының гаилә йолалары арасында иң зур һәм хөрмәтле урынны никах туе, егетнең өйләнүе, кызның кияүгә чыгуы белән бәйле йолалар, гореф-гадәтләр, уеннар, йола җырлары алып тора.

7 февраль көнне Сауш авылы китапханәсендә ясле - бакча балалары белән патриотик - шагыйрь Муса Җәлилнең иҗатына багышлап “Безнең яраткан язучыбыз” дигән әдәби кичә үткәрелде.

Анда М. Җәлилнең тормыш юлы, иҗаты һәм аның батырлыгы турында сөйләнелде. Балалар өчен язылган шигырьләре укылды.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ