Муниципаль районнар Теләче муниципаль районы

ЯҢАЛЫКЛАР

гыйнвар, 2015 ел

җомга

Балалар иҗат үзәгендә Бөек җиңүнең 70 – еллыгына багышланып “Родные лица Победы” дип исемләнгән Республика күләм тарихи –патриотик акциянең район турына әзерлек эшләре алып барыла

Өстәмә белем бирү педагоглары Загидуллина Р.Т. һәм Нигъматзянова Л.И. әлеге баннерга презентация эшләү белән мәшгуль.

Дөньякүләм яңалыклары

2015 елның 29 гыйнвар көнне ОАО "Газпром" еллык хисабыннан НАК "Нафтогаз"ның Стокгольм шәһәренең Сәүдә палатасына 2014 елның 13 октябрендә бирелгән дәгъвасы турныда билгеле булды. НАК "Нафтогаз" 2009-2019 елларга төзелгән транзит килешүнамәне кабат карау турында мөрәҗәгать итте һәм $6,2 миллиард каплау тәләп итте.

Район мәдәният йортынын «Сударушка» рус фольклор ансамбле Республика күләм «Балкыш» («Сияние») фестиваль-конкурсына әзерлек алып баралар.

Алар автор С.В. Сухоруковның «Россия-Русь» җырын өйрәнәләр.

Баландыш авылы китапханәсендә “Оста куллар” берләшмәсе даими рәвештә үз эшен дәвам итә.

30 нчы январь көнне “Оста куллар “ клубының чираттагы очрашуы булды. Ул "Бәйләү – үзе бер осталык" дигән темага багышланган иде. Биредә берләшмәгә йөрүче ханымнар бәйләү нечкәлекләренә төшенделәр, яңа бәйләү үрнәкләрен өйрәнделәр. Хатын-кызлар уен-көлке, җыр белән бәйли-бәйли кич утырдылар.

Һәр ел саен Җиңү бәйрәме килә. Ел саен кемнәрдер булмый бу бәйрәмдә. Әйе, ел саен кими, аралары сирәгәя бара ветераннарыбызның.

Тормыш дәвам итә. Инде ветераннарыбызның оныклары да үсеп җиттеләр... Бу вакыйгаларны китапханәләребез читләтеп үтмиләр. Бүген дә китапханәчебез Мөбәрәкшина Ф.Г библиографик дәрес алып барды.

30 январь көнне Алан урта гомуми белем бирү мәктәбендә башлангыч сыйныф укучылары өчен “Герой пионерлар”дигән темага класс сәгате үткәрелде.

Класс сәгатендә укучылар Бөек Ватан сугышы елларында фашистларга каршы олылар белән иңгә –иң торып көрәшкән герой пионерлар турында белделәр. Укучылар Ватан геройларының батырлыгын беркайчан да онытырга ярамый дигән нәтиҗә ясадылар.

30 гыйнвар көнне Сауш авылы мәктәбендә Фронтовик шагыйрьләрнең шигырьләрен сәнгатьле итеп укуга багышланган иртә үткәрелде.

Һәр сыйныф укучысы өйрәнеп килгән шигырен сөйләде. Шулай ук бәйрәмгә багышлап рәсем кхргәзмәсе дә оештырылды. Мәктәпнең һәр укучысы бу чарада актив катнашты.

30 гыйнвар көнне Кече Кибәхуҗа авылы мәктәбе математика укытучысы Галимҗанова Г.Ә. мәктәбебездә "Бөек Ватан сугышы: саннар һәм фактлар" исемле кече фәнни - гамәли конференция үткәрде.

Чарада үзенең тикшеренү эше белән 9 нчы сыйныф укучысы Даутова Дилбәр чыгыш ясады. Ул катнашучыларны презентация ярдәмендә Бөек Ватан сугышы нәтиҗәләре буенча чыгарылган саннар һәм фактлар белән таныштырды.

2015 елның 28,29 январеньдә “Армспорт буенча Теләче муниципаль районы Беренчелеге" ярыш булып узды.

Олы Нырсы урта мәктәбе укучылары командасы беренче урынны яулады.

28 январь көнне, 2000-2002 елгы кызлар командасы да, егетләр командасы да 1 урынны яулап, район кубогына ия булып кайттылар.

29 январь көнне, 1997-1999 елгы укучылар арасында, кызлар командасы 1 урынны яулап район кубогына ия булып, егетләр командасы 2 урынны яулап кайттылар.

Җиңүнең 70 еллыгына әзерлек кысаларында, Үзәк авылы мәктәбенең 8 сыйныфта "Хатын - кыз. Хәтер. Сугыш" дип исемләнгән дәрес үткәрелде.

Сыйныф җитәкчесе Мортазина Л.Х. белән укучылар совет хатын - кызларының батырлыгы турында сөйләштеләр. Укучылар әбиләре тырында сөйләделәр, кинофильмнардан мисаллар китерделәр. Аларның яшьтәшләре, 14 -15 яшьлек малайлар - кызлар, олылар белән бергә хезмәт куйганнар. Бу дәрес укучыларга тыныч тормышның кадерен аңларга ярдәм итәр дип өметләнәбез.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ