ЯҢАЛЫКЛАР

21 мартта Бөтендөнья шигърият көне билгеләп үтелә. Урта Мишә авыл китапханәсендә Пушкин картасы проекты кысаларында “Йөрәгемдә шигырьләр яши” дип исемләнгән шигъри квиз үткәрелде. Бу бәйрәм шигъри сүзнең матурлыгын һәм аның һәр кеше тормышындагы әһәмияте зур булуын искә төшерә. Шигърият - ул йөрәкләрне илһамландырырга, юатырга, яктыртырга һәм берләштерергә сәләтле.

Яңалыкларда еш кына зур күләмле терактлар турында ишетергә мөмкин, алар артыннан күп санлы кеше корбаннары, зур җимереклекләр, зур бюджетны торгызу таләп ителә. Мондый гамәлләр кылган кешеләр террорчылар дип атала. Террорчылар-куркытуга һәм көч куллануга юнәлдерелгән билгеле бер гамәлләр башкаручы кеше. Мондый көч куллануның корбаны терактның максаты белән бәйле булмаган аерым кеше яки кешеләр төркеме булырга мөмкин. Терроризмны профилактикалау максатыннан, аның корбаны булмас өчен, 21 март көнне Олы Мәтәскә авылы мәдәният хезмәткәрләре төрле сыйныф укучылары өчен “Терроризмга каршы бергәләп” дигән исем белән әңгәмә уздырдылар.

Укучылар белән гаҗәеп шигърият дөньясына мавыктыргыч сәяхәт ясалды."Саннар", "Балачакны искә төшерик", "Шигъри юллар", "Шигырьне дәвам ит" , "Таны", "Биография", "Серле тартма" станцияләре буйлап сәяхәт иткәндә, балалар  шигырь юлларыннан шигырьне  искә төшерделәр, әсәрләрне беренче юлларыннан ук таныдылар, кыскача биографияләре буенча шагыйрьләрне атадылар. Китапханәдә "Туган як шагыйрьләре"дигән китап күргәзмәсе тәкъдим ителде.

21-22 мартта  Байлар Сабасында  өстәмә белем бирү педагогы А.И.Вәлиуллин җитәкчелегендәге «Балаларны cәламәтләндерү – белем бирү (профильле) үзәге” командасы 2011 елда туган һәм аннан яшьрәк малайлар һәм кызлар арасында өстәл теннисы буенча XXII ачык шәхси-команда бөтенроссия ярышларында катнашты һәм команда 5 урынга лаек булды. (М.Н. Миңнеханов мемориалы). Вәлиуллин Булат “Турнирның иң яшь катнашучысы” сертификаты белән бүләкләнде. Барлык катнашучылар да акчалата бүләк һәм "Туя" агачы белән бүләкләнделәр .

Нәүрүз бәйрәме яз башында елгалар ачылгач, көн белән төн тигезләшкән вакытта бәйрәм ителә. Бәйрәмгә кунак булып Нәүрүзбикә һәм Убырлы килде. Балалар Нәүрүзбикәгә яз турында шигырьләр һәм җырлар башкардылар, татар халкының мәкальләрен искә төшерделәр, уеннар уйнадылар. Нәүрүзбикә һәм Убырлы төрле кызыклы уеннарда көч сынаштылар. Бәйрәм ахырында балалар коймак белән сыйландылар.

2026 елның 18 мартында Теләче муниципаль районының «Август Теләче» ҖЧҖ базасында “С,D,F” категорияле үзйөрешле машиналар белән идарә итү хокукына (тракторчы-машинист таныклыгына) имтиханнар кабул ителде. Уку курсларын «АвтоТехКазан» ҖЧҖте оештырган иде. Имтиханнарны кабул итү "Гостехнадзор Экзамен" программасын куллану юлы белән гамәлгә ашырылды. Бүген әйдәп баручы һәм төп белгечләргә һөнәри мәсьәләләрне уңышлы эшләү һәм хәл итү өчен үз квалификацияләрен вакытында күтәрү, үз компетенцияләрен арттыру, яңа белемнәр алу зарур. Имтихан бирергә килгән 17 кандидатның барысы да бик яхшы теоретик белемнәр һәм гамәли әзерлек күрсәтте.

Әлеге көн уңаеннан Теләче балалар китапханәсендә «Кырым — Россиянең энҗесе» дип исемләнгән күргәзмә куелды. Күргәзмәдә Кырым һәм Россия турында тирән мәгълүматлар тәкъдим ителде, алар аша китап укучылар бу якның бай тарихы һәм мәдәнияте белән таныша алдылар. Кырымның Россия белән яңадан кушылуы — гаделлек һәм бердәмлекнең яңадан торгызылуы символы булган, гаять зур тарихи әһәмияткә ия вакыйга. Бу көн мәңгелеккә тарих битләренә кереп калды: 2014 елның 18 мартында Кырым Республикасын Россия Федерациясе составына кабул итү һәм аның составында яңа субъектлар төзү турында мөһим шартнамә имзаланды.

Уенда Теләче урта мәктәбенең 9 сыйныф укучылары катнашты. Әдәби уен барышында һәр команда квест станцияләрен үтеп, әдәбият өлкәсендәге белемнәрен һәм тапкырлыкларын күрсәтте. Укучылар төрле биремнәрне үтәп, иҗади фикерләү сәләтләрен сынап карадылар. Чараның максаты – балаларның әдәбиятка кызыксынуын арттыру һәм командалык эшчәнлеген ныгыту иде. Уен барышында укучылар бик күп уңай тәэсирләр, яңа белемнәр алдылар. Чараның нәтиҗәләре буенча катнашучылар үзләренең уңышлары һәм яңа тәҗрибәләре белән уртаклаштылар.

Нәкъ менә шушы көнне 2014 елда Кырым рәсми рәвештә Россия Федерациясе составына керде. Бу мөһим тарихи вакыйга күпчелек тавыш белән кушылуны хуплаган кырымлыларның тормышын үзгәртте. Кырым һәм Севастополь яңадан Россия төбәкләре булдылар. Кырымның Россия белән яңадан кушылуы — ул ярымутрау тарихында яңа битне ача торган мөһим вакыйга. Кырымның Россиягә кушылуы көненә Шәдке авылы мәдәният хезмәткәрләре "Россия! Кырым! Без бергә!"дигән патриотик сәгать үткәрәләр, 2014 елның 18 мартындагы тарихи вакыйганың әһәмияте, Кырымның Россия Федерациясе составына кайтуының сәяси һәм мәдәни әһәмияте турында сөйләделәр, күргәзмә белән таныштырдылар.

Теләче үзәк китапханәсендә Россия халыклары бердәмлеге елына багышланган «Россия – гаилә гаиләсе» Бөтенроссия мәгърифәтчелек акциясе үткәрелде. Акция 18 мартта билгеләп үтелә торган Кырымның Россия белән яңадан кушылу көненә багышланган. Нәкъ менә шушы көнне 2014 елда, кырымлыларның күпчелеге хуплаган референдум нәтиҗәләре буенча, ярымутрау Россия Федерациясе составына керде. Акциянең төп максаты булып милләтара аралашу теле буларак рус телен популярлаштыру һәм илебез халыклары арасында гражданлык тынычлыгын ныгыту тора.