ЯҢАЛЫКЛАР
4 март көнне балалар - яшьләр үзәге чаңгы базасында «Олимп» яшьләр үзәге һәм ДОСААФ региональ иҗтимагый оешмасы белән берлектә 5-8 сыйныф укучылары арасында чаңгы ярышы һәм 9-11 сыйныф укучылары арасында сугышчы-интернационалист Хәйруллин Илшат Гыйлемхан улы истәлегенә, Теләче муниципаль районы оешуга 30 ел тулу һәм туган телләр һәм Халык бердәмлеге елына багышланган Теләче районы Беренчелеге үткәрелде. Бу ярышларда Баландыш төп мәктәбе укучылары да катнашты. 5 нче сыйныф укучысы Хәйретдинов И.И. 2 нче урынны яулады. Аны чын күңелдән котлыйбыз!
2021 нче елның 4 нче мартында чаңгы базасында ДОСААФ һәм "Олимп" яшьләр үзәге белән берлектә 5-8 нче сыйныф укучылары арасында чаңгы ярышлары һәм 9-11 нче сыйныф укучылары арасында, сугышчы-интернационалист Хәйруллин Илшат Гыйлемхан улы истәлегенә багышланган Теләче муниципаль районының Туган телләр һәм Халыклар бердәмлегенә багышланган биатлон буенча Теләче муниципаль районы Беренчелеге үткәрелде. Ярышларда районның 11 мәктәбеннән 66 укучы катнашты.
3 нче март көнне, Баландыш төп мәктәбенең бер төркем җырга- сәнгатькә гашыйк укучылары Теләче районы мәдәният йортында узган "Без бергә" балалар халык иҗаты Республика фестиваль - конкурсының муниципаль этабында катнаштылар. Әлеге фестивальнең максаты -Татарстан Республикасы белем бирү оешмаларының балалар һәм яшүсмерләр сәнгатен һәм эстетик иҗатын үстерү.
Бөтендөнья гражданнар көне уңаеннан ,Теләче урта мәктәбендә Теләче муниципаль районында гражданнар оборонасы буенча әйдәп баручы консультант Хомченко Олег Борисович укучылар белән кызыклы чаралар уздырды .
Балаларны «Каз өмәсе», «Каурый өмәсе» йолалары белән таныштыру, халкыбызның җыр - биюләрен өйрәнү, хезмәткә мәхәббәт тәрбияләү макстыннан 3 март көнне Казаклар авылы китапханәчесе Альбина Рахматуллина тәрбиячеләре Гөлназ Мингазова белән берлектә "Шатлык" балалар бакчасында “Каурый өмәсе” үткәрде. Бу өмәдә җырлый-җырлый каурыйлар сыдырылды. Балалар эшләп арганнан соң, халкыбызның милли уеннары “Йөзек салыш”, “Каз канаты”, “Гөлбану” уеннарын уйнап ял итте. Сыдырылган каурыйларның бер өлешеннән таба майлау өчен канатлар үрелде, ә соңыннан калган өлеше киләсе елга бәбкәләрнең күп чыгуын теләп ятсыннар дип юл буена сибелде.
«Молодежь за правильный выбор» дип исемләнгән китапханә проекты кысаларында яшьләр арасында асоциаль күренешләрне кисәтү һәм сәламәт яшәү рәвешен пропагандалау максатыннан Шармыш авыл китапханәсендә «Знать, чтобы выжить» дип исемләнгән күргәзмә әзерләнде. Күргәзмәдә наркомания проблемасына багышланган китаплар, брошюралар, мәкаләләр һәм журналлар тәкъдим ителде. Яшүсмерләргә һәм яшь укучыларга «Учись быть свободным» дигән мәгълүмати буклетлар таратылды.
Баландыш авыл китапханәсендә язучы Нурислам Хәсәновның тууына 80 ел тулу уңаеннан «Энҗеләр балкышы» дип аталган китап күргәзмәсе ясалды һәм күзәтү уздырылды. Укучылар әдипнең тормыш юлы һәм иҗаты белән таныштылар. Күргәзмәдә язучының 4 томлык сайланма әсәрләре һәм башка китаплары урын алды.
Субаш авылы китапханәчесе Петрова Лидия Туган телләр һәм халыклар бердәмлеге елы уңаеннан «Татар язучылары һәм шагыйрьләренең әсәрләрендә хатын-кыз образы» дигән төбәкара челтәр акциясендэ катнашып сертификат белән бүләкләнде. Оештыручы: Башкортостан Республикасы Чишмә районының "МАУК Чишмә район җирлекара китапханәсе" филиалы.
2 март көнне Нырсы урта мәктәбендә район мәктәпләренең башлангыч сыйныф укучылары арасында “Нәниләр чаңгы юлы” спорт ярышы үткәрелде. Чаңгы ярышында катнашкан 10 команда арасында Баландыш төп мәктәбе укучылары командасы да көч сынашты һәм призлы урыннар алып кайтты:
2021 елның 3 март көнендә Олы Кибәхуҗа авылында яшәүче тыл ветераны Сәгъдиева Хаҗәр Мулик кызына 95 яшь тулды. Шул уңайдан Хаҗәр апага Россия Президенты Владимир Путинның, Теләче муниципаль район башлыгы Нәҗип Хаҗиповның тәбрикләмәләре тапшырылды. Район башкарма комитеты җитәкчесенең социаль мәсьәләр буенча урынбасары Динар Гыйниятуллин, район социаль яклау бүлеге җитәкчесе Фәридә Галимова һәм Кече Кибәхуҗа авыл җирлеге башлыгы Ирек Загидуллин да Хаҗәр апага изге теләкләрен җиткереп, истәлекле буләк тапшырдылар.
Алдагы тормышында да без аңа саулык hәм аяз, тыныч күк йозе теләп калабыз.