ЯҢАЛЫКЛАР
Төрле милләт вәкилләренә карата хөрмәт хисе булдыру һәр буында яңадан тәрбияләнергә тиеш. Балаларыбызда бу сыйфатны иртәрәк булдырган саен, аларның көче дә шулкадәр югары була.
Милли региональ компонентны тормышка ашыру максаты беләнТеләченең беренче номерлы балалар бакчасында мәктәпкәчә яшьтәге балалар өчен Идел буе халыклары мәдәнияте белән таныштыру максатыннан бүген күңелле чара оештырылды.
Татар теле тәрбиячесе Сабирҗанова Л.М. Идел буе халыкларының гореф-гадәтләре белән таныштырды, балаларда шул халыкларның яшәү рәвеше, милли киемнәре, халык авыз иҗаты турында күзаллау формалаштырды. Әлеге белемнәрне тормышта кулланырга өйрәнү шушындый дәресләрнең бурычлары булып тора.
8нче февраль көнне Теләче авылы мәдәният йортында авыл җыены булып узды. Ел да оештырыла торган бу җыенда Татарстан Республикасының транспорт һәм юл хуҗалыгы министры урынбасары Усманов А.Н., Теләче муниципаль районы башлыгы Хазипов Н.Н., районыбызның башка тармак җитәкчеләре һәм җирлектә яшәүче кешеләр катнашты. Җыенда безнең Теләче 2нче балалар бакчасы мөдире Хәсәншина Ф.Ф. чыгыш ясады, ул балалар бакчасының эшчәнлегенә кыскача анализ ясады.
7 – 9 нчы февраль көннәрендә татар әдәбиятыннан Республика олимпиадасында Теләче урта гоумбелем мәктәбе укучысы
Тимербаева Динә катнашты һәм җиңүче булды. Динә Татарстан Республикасы Мәгариф һәм фән министрлыгының дипломы белән бүләкләнде. Җиңүче Динәне олимпиадага татар теле һәм әдәбияты укытучысы Әсадуллина Зөлфия Наилевна әзерләде. Зур уңышларыгыз белән котлыйбыз!
7 февраль февраль көнне Сауш авылы китапханәсендә “Ак калфак “ хатын – кызлар клубына йөрүче китап укучылар белән, шагыйрә Илсөяр Иксановага – 55 яшь тулу уңаеннан “ Тылсымлы шигърият дөньясы” дигән темага әдәби кичә үткәрелде.
7 нче февраль көнне Баландыш авыл китапханәсендә шагыйрә Илсөяр Иксановага 55 яшь тулу уңаеннан “Балан чәчәге” китабына күзәтү үткәрелде.
Өлкәннәр ярдәмендә онытыла барган йолаларыбызны, гореф – гадәтләребезне барлыйбыз, фольклор кичәләр үткәрәбез. Бу проектның төп максаты: киләчәк буынга йолаларыбызны, уен – җырларыбызны тапшыру. 5 февраль көнне «Бердәм булып хезмәт итү кирәк иман, әхлак, гореф сагында...» дип исемләнгән альбом эшләнде. Бу альбомда өлкәннәр авызыннан язып алынган җырлы – биюле уеннар урын алды. Шулай ук фольклор кичәләр үткәрү өчен сценарийлар һәм чигү үрнәкләре урнаштырылды.
Ул ТР Югары Советы Карары белән 1992 елның 7 февралендә расланган. Татарстан Республикасының дәүләт гербы төсле итеп бизәлгән: кояш — кызыл; Ак барс, аның канатлары, калкандагы розетка ак, янтавындагы түгәрәк яшел, калкан, бизәк һәм Татарстан язуы алтын төс белән йөгертелгән. Шәтке авылы китапханәсендә әлеге уңайдан тематик киштә ясалды. Китапханәгә килүче китап укучыларга аерым информацияләр үткәрелде.
7 февраль көнне Югары Кибәхуҗа авыл китапханәсендә мәдәният йорты хезмәткәрләре белән берлектә “Татарстан Гербы” танып-белү сәгате үткәрелде. Китапханәче Татарстан Республикасының дәүләт символлары турында сөйләде. Балалар Гербта сүрәтләнгән һәр төснең әһәмиятен белделәр. Чара ахрында викторинада катнаштылар.
5 февраль көнне Туган телләр һәм халыклар бердәмлеге елы уңаеннан Олы Мишә авыл китапханәчесе Газизова Р.Ш., мәдәният йорты директоры Муллахметова А.А., Олы Мишә урта мәктәбенең 5 сыйныф җитәкчесе Миннебаева Г.Ш. белән берлектә “Үз газиз татар халкын да беркайчан да сатмады” дигән исем астында шигърият сәгате үткәрелде. Башкорт һәм татар халкының мәшһүр шагыйре Наҗар Нәҗминең шигырьләрен, халык язмышын кайгыртып язган публицистик язмаларын укып искә алдык. “Милли җаным” исемле китапта дуслары, каләмдәшләре, фикердәшләре дә үзләренең мәкаләләрендә, истәлекләрендә, шигырьләрендә Наҗар аганың ватанпәрвәрлеген, татарпәрвәрлеген, аның олуг шагыйрьлеген, аңа булган хөрмәтләрен ачык чагылдыралар.
8 февраль көнне Баландыш авылы җирлегендә халык җыены булды. Җыенда Теләче муниципаль районы башлыгы Хазипов Нәҗип Накипович, транспорт һәм юл идарәсе министры урынбасары Усманов Айрат Нагим улы һәм башка оешма җитәкчеләре чыгыш ясадылар. Баландыш төп мәктәбе директоры Хузин Й.Р. мәктәпнең 2020 елдагы эшчәнлегенә анализ ясап үтте.