ЯҢАЛЫКЛАР
17 нче май көнне Теләченең өченче номерлы балалар бакчасы базасында районның мәктәпкәчә яшьтәге балалар арасында шахмат турниры булып узды.Бәйгенең беренче туры инде балалар бакчасында булып узган иде. Шахмат уены ул баланың логик фикерләвен үстерүгә юнәлтелгән уеннарның берсе.Безнең балалар да бу уенны зур кызыксыну белән уйныйлар.Бәйгедэ катнашып икенче урынны алдылар.Уеннан диплом һәм бүләкләр белән шатланып,яңа җиңүләргә рухланып кайттылар.Без аларны чын күңелдән котлыйбыз һәм мәктәптә уку чорында “4”һэм “5” билгеләренә генә укуларын телибез.
Шахмат бәйгесендә Абдурахманов А. П. җитәкчелегендәге Теләче №1,№ 2, №3 балалар бакчаларында «Шахмат» түгәрәгенә йөрүче 6-7 яшьлек 20 бала көч сынашты.
Турнирның барышын мәртәбәле жюри : мәктәпкәчә белем бирү буенча методисты - Саетова А.Н, Татарстан Республикасы Теләче муниципаль районының мәктәпкәчә белем бирү үзәге директоры - Имамиев Т. күзәтте. Ә Теләченең 3нче балалар бакчасы педагоглары Сафина Р. К.,Сабирзянова Л. Р., Хузина Р. Г. әзерлек төркеме балалары белән концерт номерлары әзерләделәр. Турнир барлык кагыйдәләр буенча узды. Турнир барышында катнашучылар кызыклы уен комбинацияләре, шахмат партияләренең гадәти булмаган карары белән гаҗәпләндерде. Дулкынлануны җиңеп, һәр катнашучы җиңүгә омтылды. Турнир балаларның яхшы әзерлек дәрәҗәсен күрсәтте һәм мәктәпкәчә яшьтәге балаларда уенга карата кызыксыну формалаштыруга ярдәм итте. Җиңүчеләргә һәм катнашучыларга грамоталар һәм бүләкләр тапшырылды.
Чараны Теләче районы ЗАГС бүлеге җитәкчесе Тимерханова А. Х. һәм Теләче җирлекара китапханәсе директоры Давлиева Р. М. алып барды. Бәйрәмдә юбилярлар хөрмәтенә җырлар һәм котлаулар яңгырады. Чара ахырында Теләче районы авыл җирлеге җитәкчесе Мараков И. Р. 50 ел бергә гомер иткән парларны бәйрәм белән котлады. Алар һәрвакыт күңелдә хөрмәт һәм соклану уята. Нәкъ менә шуңа күрә алтын туй - ул озак уртак тормыш җимеше.
Тәрбия һәм белем бирү хезмәткәрләренең һөнәри осталык буенча республика конкурсы финалында Теләче урта мәктәбенең педагог-оештыручысы А.Н. Зиганшина катнашып лауреат булды. Зур уңышларыгыз белән котлыйбыз.
Теләче районындагы «Родник» халыкка социаль хезмәт күрсәтү буенча комплекслы үзәгенең гаиләгә һәм балаларга социаль ярдәм күрсәтү бүлеге хезмәткәре тарафыннан мәктәп укучылары арасында Ышаныч телефоны көненә багышланган тематик дәрес үткәрелде. Дәреснең максаты: Ышаныч телефоны ничек эшләве турында мәгълүмат бирү. Дәрес барышында укучылар психологик ярдәм төре буларак, ышаныч телефоны барлыкка килү тарихы, хезмәтнең үзенчәлекләре белән таныштылар. Материалны яхшырак истә калдыру өчен белгеч белешмәлекләр тапшырды. Аларда дуслар табарга өйрәнү, һәрчак шат күңелле булу, авыр хәлләрдән курыкмаска өйрәтүче файдалы киңәшләр язылган.
Бу көн гаиләнең күпсанлы проблемаларына игътибар итүне максат итеп куя. Гаилә... Шундый ягымлы, җылы хисләр белән тулган гади һәм шул ук вакытта бик зур мәгънәгә ия булган сүз. Гаилә-ул һәр кеше тормышында иң мөһиме, бу безгә якын һәм кадерле кешеләр. Нәкъ менә гаиләдә без җаваплылыкка, кайгыртучанлыкка һәм хөрмәт итәргә өйрәнәбез. 16 май көнне, Гаилә көне уңаеннан, Айдар авыл китапханәсендә “Тормыш яме-яшәүдә, яшәү гаме-матур гаиләдә” дип исемләнгән китап күргәзмәсе оештырылды
Очрашуда Айдар авылы җирлеге башлыгы да катнашты.
Финалга чыгучылар арасында безнең теләчелеләр дә бар, алар арасында укытучылар, китапханәчеләр һәм мәктәп укучылары да бар.Шулай ук марафонда Шәтке авылы китапханәчесе Галимуллина Кәүсәрия Хәйретдин кызы да актив катнашты.
Файдалы гадәтләрдән тыш, марафончылар тайм-менеджментка да китаплар укыдылар (уку өчен вакыт табарга кирәк).
Проектның максаты - яхшы гадәт - татарча әдәби әсәрләр, китаплар һәм журналлар уку гадәтен формалаштыру. 15 нче май көнне Казанның УНИКС залында оештырылган йомгаклау кичәсендә Максабаш авылы китапханәчесе дә булды һәм диплом белән бүләкләнде.
15 май көнне Урта Мишә авыл китапханәчесе Мөхәммәтшина Гөлфия Исмәгыйль кызы #әдәбимарафон дип аталган VII нче Бөтендөнья онлайн проектның финал өлешендә катнашып диплом белән бүләкләнде. Әлеге чара Казан шәһәренең УНИКС концертлар залында узды.