ЯҢАЛЫКЛАР
22нче апрель көнне Теләче 2нче балалар бакчасында бөек татар шагыйре Габдулла Тукайга багышланган атналык кысаларында “Үз телемдә шигырь сөйлим” исемле шигырь бәйгесе үткәрелде. Бәйгедә Г.Тукай шигырьләре белән берлектә башка татар шагыйрьләренең шигырьләре яңгырыды. Балалар әти-әниләре белән бергә бәйгегә зур җаваплылык белән әзерләнгәннәр: сәнгатьле итеп шигырьләр өйрәнгәннәр, костюмнар сайлаганнар. Балаларның чыгышларын район мәгариф бүлегеннән мәктәпкәчә белем бирү методисты Сәетова А.Н.. һәм район үзәк китапханәсеннән килгән кунаклар бәяләде. Жюри әгъзалары барлык балаларны да тыңлап, һәр төркемдә иң сәнгатьле шигырь сөйләүчеләрне ачыклады. Бәйгедә катнашкан бер бала да бүләксез калмады, аларга бәйгенең иганәчесе- “Идеальная Пара” кибетләр челтәре хуҗасы Нәҗметдинова А.Р. тарафыннан әзерләнгән бүләкләр тапшырылды.
2019 елның 22 апрелендә Теләче муниципаль районы делегациясе «2018 ел хәйриячесе» республика конкурсына йомгак ясауга багышланган тантаналы чарада катнашты. Әлеге чарадага Теләче муниципаль районыннан күп балалы гаиләләр чакырулы иде.
Балалар Г. Тукай шигырьләрен сөйләделәр, җыр җырладылар, сәхнәләштерелгән тамаша күрсәттеләр.
20 нче апрель көнне Теләче урта мәктәбе укучысы Закирова Язгөл Л.Н. Толстой исемендәге XVII республика фәнни- гамәли конференциясендә катнашып кайтты. Язгөл бу бәйгедә уңышлы чыгыш ясап, I урынны алды һәм дипломга лаек булды. Җиңүчене республика фәнни- гамәли конференциясенә рус теле һәм әдәбияты укытучысы Е. Я. Нуртдинова әзерләде. Уңышларыгыз белән котлыйбыз!
20 апрель көнне Шармыш авыл китапханәсе "Библионочь - 2019" Бөтенроссия акциясендә катнашты. Китапханәгә килүчеләр авылыбызның үткәненә тагын бер кат кереп киттеләр. Шармаш авылы тарихы презентациясе ярдәмендә без тарихыбызның битләрен яңарттык. Укучыларыбыз балачак хатирәләре белән уртаклаштылар .
20 апрель көнне Казаклар авылы китапханәсендә Бөек татар шагыйре Габдулла Тукайның туган көненә багышланган "Күңелләрдә яши Тукай моңы" дип исемләнгән китап күргәзмәсе оештырылды. Әлеге күргәзмә укучыларны бөек язучының иҗаты һәм тормыш юлы белән таныштыра.
19 апрель көнне Казаклар авылы китапханәсендә «Сак бул!» дип исемләнгән информация сәгате үткәрелде, шулай ук "Зарарлы гадәтләрдән сакланыгыз" дип исемләнгән китап күргәзмәсенә күзәтү ясалды. Әлеге күргәзмәдә наркоманияне профилактикалау һәм сәламәт яшәү рәвешен тәрбияләү буенча киталар тәкъдим ителде.
Ул «Мин китап белән табигать дөньясын ачам" дигән исем астында узды.
Китап һәм иллюстратив материаллардан тыш балалар ясаган травячиклар күргәзмә экспонатлары булды.
Балалар гаҗәеп серле хайваннар, сирәк үсемлекләр белән таныштылар, үсемлекләр һәм хайваннар дөньясындагы рекордлар турында белделәр.
Үзәк авыл мәдәният йорты территориясе чүптән чистартылды.