ЯҢАЛЫКЛАР

14 апрель көнне Лесной авыл клубында "Телебез матур, бай һәм яңгыравыклы"дигән чара үткәрелде. Мәдәният хезмәткәрләре халыкара туган тел көне барлыкка килү тарихын тәкъдим иттеләр. Халык әйтемнәре һәм мәкальләре әзерләделәр, конкурс, табышмаклар үткәрделәр, "күп мәгънәле сүзләр" уены, кроссвордлар чиштеләр.

Үзәк авыл мәдәният йорты директоры Кристина Майсурадзе «Яшьләрнең Профсоюзда профессиональ-шәхси компетенцияләре» дигән Бөтенроссия фәнни-гамәли конференциясендә катнашты.

2022 ел Татарстанда Цифрлаштыру елы дип игълан ителде. Әлеге уңайдан 15 апрель көнне Максабаш һәм Ю.Кибәхуҗа авыллары мәдәният хезмәткәрләре берләшмәләргә йөрүче өлкәннәр өчен өчен “Цифрлаштыру һәм 21гасырның яңа технологияләре” дигән информацион сәгать үткәрделәр. Бүгенге тормышны гаджетсыз күз алдына да китерә алмавы берәүгә дә сер түгел. Бөтен дөньяны яулап алган цифрлы тормыш халыкны күп кенә мәшәкатьләрдән арындырырга ярдәм итә. Күпләр өеннән чыкмыйча гына төрле түләүләрен башкара, кирәкле документларын ясата, ерак чит илләрдәге туганнары һәм якыннары белән аралаша, табибларга һәм башка хезмәт күрсәтүче оешмаларга чиратка языла. Чара барышында  өлкәннәр смартфоннар һәм «Алиса»ның иң популяр кушымталарын:“РФ Дәүләт хезмәтләре”,  “РТ Дәүләт хезмәтләре”, “телеграм” , “Zoom” кушымталарын кулланып эшләргә өйрәнделәр.

1961 елның 12 апрелендә яз иртәсендә көчле ракета – носитель орбитага тарихта беренче «Восток» космик корабын Җирнең беренче космонавты-Советлар Союзы гражданы Юрий Гагарин белән бортына чыгара. Шул вакыттан башлап космонавт бик ерак атлады, ә бөтен дөньяда ерак планеталарга кызыксыну елдан-ел арта бара. 12 апрельдә Бөтендөнья авиация һәм космонавтика көне билгеләп үтелә. 

13.04.22 ел көнне Ачы авылы мәдәният хезмәткәрләре "Рябинушка" фольклор коллективы катнашучыларын космосны үзләштерү тарихына сәяхәт кылырга чакырдылар, Кояш системасы планеталарын искә төшерделәр, космик табышмаклар чиштеләр, «Йолдызлар һәм галактикалар дөньясында»дип аталган астрономик викторина сорауларына җавап бирделәр. Космос, йолдызлар, күк турында җырлар да искә төшерелде.

Космонавтика көне илебез һәм бөтен дөнья өчен мөһим көн. Без беренче булып Рус космонавты космоска очуы белән горурланырга тиеш. 13 апрель көнне Ачы мәдәният йортында "космос ерак һәм якын" дип исемләнгән танып-белү программасы үткәрелде. Балалар космонавтика үсеше тарихы, Ю.А. Гагарин биографиясе белән таныштылар. Чара барышында балалар кешенең космоска беренче очышы, очыш алдыннан әзерлек, конструкторлар, йолдызлар һәм планеталар турында күп яңа һәм кызыклы нәрсәләр белделәр. Аннан соң балалар космик викторинада катнаштылар, ракеталар һәм чит планеталылар ясадылар, космик тема буенча сорауларга җавап бирделәр. Соңыннан барысы да «киттек! " флешмобында катнаштылар»

Һөнәр сайлау-кеше тормышында иң әһәмиятле мәсьәләләрнең берсе. Заман үзгәрә барган саен, тормыш яңа һөнәрләр таләп итә. Гомерлек юлны сайлау бик авыр .Һөнәр - ул кеше хезмәте һәм эшчәнлегенең төп төре. Кайсын гына алсак та, аларның һәрберсе жәмгыятебез өчен бик кирәкле. Шул уңайдан Олы Нырсы авылы мәдәният хезмәткәрләре 16 апрель көнне берләшмәгә йөрүче укучылар белән түгәрәк өстәл артында әңгәмә үткәрделәр. Бу әңгәмә “Һөнәрнең һәр кайсы мактауга лаек” дип исемләнгән иде.

СССР Югары Советы Президиумының 1962 нче елның 9 апрелендәге указы нигезендә Советлар Союзында 12 апрельдә Космонавтика көне билгеләнә башлый. 1961 нче елның 12 апрелендә совет космонавты Юрий Гагарин “Восток-1” космик корабында “Байконур” космодромыннан старт алган һәм дөньяда беренче кеше булып Җир шарын урап очкан. Космоста очу вакыты 1 сәгать 48 минут дәвам иткән.
Күкчә авылы мәдәният хезмәткәрләре берләшмәгә йөрүче балаларга очучылар турында китаптан кызыклы мәгълумәтләр укыдылар. Балалар аларга үзләрен кызыксындырган сорауларын бирделәр.

14 апрель көнне Олы Нырсы мәдәният хезмәткәрләре  берләшмәгә йөрүче балалар белән  “Кошлар безнең канатлы дусларыбыз! “ дип исемләнгән уен-викторина үткәрделәр.Чарада катнашучылар кайбер кошларның тормышыннан иң кызыклы мизгелләр, кошларның табигатьнең мөхим өлеше булуы турында белделәр. Балалар үзләре яраткан кошларны рәсемгә төшерделәр.Шулай ук сорауларга җавапларны мәкальләр һәм әйтемнәр, кешенең каурыйлы дуслары турындагы табышмаклар аша искә төшерделәр.

Без, яз килүен түземсезлек белән көтәбез: кар эри, табигать җанлана.  Әмма аның белән бергә эш тә килә. Территорияне җыю күп вакыт һәм тырышлык ала. Аның каравы, бөтен сарыф ителгән хезмәт безгә чистартылган урыннар рәвешендә әйләнеп кайтачак.

     Өмәләрдә катнашу - ул әйләнә-тирә киңлек турында кайгыртуга җәлеп итә торган матур традиция һәм файдалы эш башкарырга  мөмкинлек тә бирә. Апрель аеның һәр  шимбә көнендә Күкчә авылы мәдәният хезмәткәрләре субботник оештыралар. Бу атнада да алар авыл клубы территориясенең карларын  тараттылар,тырмаладылар һәм чүптән арындырдылар.

Халыкара спорт комитеты 1999 елда гына шахматларны спорт төре итеп таный. Борынгы шахматлар комарлы уеннар рәтенә кергән, хәзер исә шахматларны салкын акыл белән, һәр адымны ныклап уйлап уйныйлар: бер ялгыш адым партияне бөтенләй икенче юлга кертеп җибәрергә мөмкин. 15 апрель көнне Караширмә авылы клубында балалар арасында шахмат ярышы булып узды. Балалар бу ярышта үзләрен сынатмадылар уйлау, фикерләү сәләтләре ныклы икәнен күрсәттеләр.