18 апрель бөтен дөньяда Халыкара һәйкәлләр һәм истәлекле урыннар көне буларак билгеләп үтелә.

2022 елның 25 апреле, дүшәмбе

Шул уңайдан 16 апрель көнне Урта Мишә авылы мәдәният хезмәткәрләре укучылар белән берлектә, сугышта һәлак булган авылдашларыбыз хөрмәтенә куелган обелиск янында өмә үткәрде. Аның тирә-ягын чистартып, чүпләрдән арындырылды.  Һәйкәлләрне карап, чистартып тору - безнең төп бурыч. Исәннәрнең кадерен, үлгәннәрнең каберен белик. Һәйкәлләр — әби-бабаларыбыз вакытыннан безнең һәм киләчәк буынга калган олы бер мирас ул. Батырлар даны мәңгелек!