Без булдырабыз!

2022 елның 25 апреле, дүшәмбе

Теләченең « Батыр»спорт комплексында «Куркынычсыз тәгәрмәч-2022» яшь хәрәкәт инспекторлары конкурсының район этабы булып узды. Олы Мишә урта мәктәбе командасын  «Яшел ут» ЮИД отряды тәкъдим итте. Бу ярышларда «Яшел ут» беренче тапкыр катнашты. Алар конкурсның барлык этапларында да лаеклы чыгыш ясадылар. Медицина һәм юл йөрү кагыйдәләре буенча сорауларга җавап биреп, теоретик өлешне яхшы үтәделәр. Велосипедларда фигуралы йөрү киртәләрендә бик яхшы чыгыш курсәттеләр. Нәтиҗәдә, "Яшел ут" ЮИД отряды 2 нче лаеклы урынны алды .Балаларга призлар һәм велосипед тапшырылды. Бәйгене оештыручыларга һәм спонсорларга рәхмәт! Без булдырабыз!