Терроризм бүген кешелекнең глобаль проблемасы булып тора.

2022 елның 4 июне, шимбә

Еш кына гаепсез кешеләр, алар арасында балалар да терракт һөҗүменә очрый. Терроризм һәм экстремизмны профилактикалау буенча эшчәнлек кысаларында 21 май көнне Айдар авыл китапханәсе мәдәният йорты белән берлектә яшьләр катнашында "Терроризм: явызлык оясында» дип исемләнгән әңгәмә үткәрделәр. Әңгәмә барышында катнашучылар актив рәвештә террорчылык, үсеп килүче буынга мәгълүмати басым ясау мәсьәләләре буенча фикер алышуга кушылды, тормышта таныш булмаган кешеләр белән килеп чыккан куркыныч хәлләр турында сөйләде. Соңыннан барлык катнашучыларга «Сез шикле предмет таптыгыз...», «Ашыгыч ярдәм хезмәтенең телефон номерлары» дигән белешмәлекләр таратылды.