Ватаныбыз тарихында онытылмас, кешеләр хәтерендә мәңге сакланырлык вакыйгалар бар
Алар арасында 22 июнь, Хәтер көне. 21 июнь көнне Шармыш авылы китапханәчесе, "Сугышның беренче көне һәм җиңүгә беренче адым" хәтер сәгатенә чакырып, укучыларга Бөек Ватан сугышы башлануның беренче сәгатьләрен искә төшерде, миллионлаган кеше тормышының челпәрәмә килүе, сугыш көннәрендә солдатларның батырлыгы... Чарада катнашучылар Левитанның сугыш башлануы турындагы хәбәрен, Шипачевның "22 июнь, 1941" шигырен тыңладылар. “Умные разведчики", " Назови военную профессию" конкурсларында үзләренең тапкырлыкларын һәм игътибарлылыкларын күрсәттеләр. Шулай ук катнашучылар «Никто не забыт, ничто не забыто!» күргәзмәсе белән дә таныштылар. Балалар өчен сугыш турында китаплар шулай ук газаплар һәм күз яшьләре белән тулы, ләкин аларда мәхәббәт һәм дуслык, гади шатлыклар һәм могҗизалар кебек төшенчәләргә өмет бар. Тарихны белү - үткәндәге ачы хаталарны кабатламас өчен иң яхшы ысул. Бу көннең тарихы белән танышкач, һәйкәлгә чәчәкләр салынды һәм сугыш кырында ятып калганнарны бер минут тынлык белән искә алынды.