Җәен балаларның буш вакыты күп, алар көннең күп өлешен урамда үткәрәләр.

2022 елның 13 июле, чәршәмбе

Яңа уеннар һәм күңел ачулар юллар белән дә бәйле.Шуңа күрә дә балаларның сәламәтлеген һәм куркынычсызлыгын тәэмин итү-өлкәннәрнең төп бурычы. Балалар бакчасында юл йөрү кагыйдәләренә өйрәтү – ул тормыш өчен кирәк, шуңа күрә Теләченең 1нче балалар бакчасында юл йөрү кагыйдәләре буенча төрле чаралар уздыру һәрвакыт актуаль. Менә бүген дә ЮХИДИ хезмәткәрләре балалар бакчасында тәрбияләнүчеләр белән урамнарда  үз-үзеңне тоту кагыйдәләре буенча аңлату эшләре алып бардылар, төрле категориядәге юл хәрәкәтендәге катанашучылар белән кагыйдәләрне кабатладылар, юлда, җәяүлеләр һәм велосипедчылар сыйфатында хәрәкәт иткәндә барлыкка килергә мөмкин булган потенциаль-куркыныч ситуацияләрне чиштеләр.