"Табигать - иң яхшы даруханә"

2022 елның 24 июле, якшәмбе

Максабаш авылы мәдәният хезмәткәрләре түгәрәккә йөрүче укучылар белән, безнең төбәктә үсүче дару үләннәренә багышланган "Табигать - иң яхшы даруханә" дип исемләнгән танып белү сәгате үткәрделәр. Балалар белән табигать кочагында дару үләннәренең төрләре, файдасы, аларны җыю вакыты, саклау ысуллары турында әнгәмә уздырылды. Шулай ук китаплар, газета –журнал битләрендә басылган  язмалардан  торган китап күргәзмәсе белән таныштырылды. Табигать - безнең бүгенге байлыгыбыз гына түгел, киләчәгебез дә. Аның байлыгын бездән соңгы килгән буыннарга да калдыру - безнең уртак бурычыбыз.