Заманча бию буенча "Яңа буын"дип исемләнгән мастер-класс

2022 елның 25 июле, дүшәмбе

23 июль көнне Максабаш мәдәният йортында заманча бию буенча "Яңа буын"дип исемләнгән мастер-класс үткәрелде.Барлык бию хәрәкәтләренә район мәдәният йорты хореографы Муллахмәтова Альбина Илсур кызы өйрәтте. Чара күнегүләр белән башланып китте, аннан соң балалар белән бию хәрәкәтләре өйрәнелде. Дөрес, яшь үзенчәлекләренә туры китереп, сайлап алынган биюләр һәм ритмик хәрәкәтләр балаларда чын-чынлап кызыксыну уятты, аларны мөмкин кадәр яхшырак башкару теләге уятты.Нәтиҗәдә, барысының да заманча биюе барлыкка килде. Балалар вакытны күңелле һәм файдалы итеп үткәрделәр.