9 август Иске Җөри авылында гомер итүче Илгиз Галиуллинның туган көне.

2022 елның 10 августы, чәршәмбе

Шушы уңайдан “Бердәм Россия” сәяси партиясенең Теләче җирле бүлеге Сәркатибе, Теләче муниципаль район башлыгы Нәҗип Хаҗипов җитәкчелегендә делегация аның өендә булып, аны туган көне белән котлап изге теләкләрен җиткерделәр. Илгиз Галиуллинның балалары, оныклары һәм туганнары җыелган әлеге очрашуда Нәҗип Хаҗипов шулай ук “Бердәм Россия” сәяси партиясенең Генераль Советы Сәркатибе Андрей Турчак һәм Партиянең Татарстан төбәк бүлеге җитәкчесе Фәрид Мөхәммәтшинның күркәм дата уңаеннан җибәргән Котлау хатларын да тапшырды. 41 еллык мәктәп директоры һәм 20 еллык партия стажы булган Илгиз Галиуллин үзенең истәлекләре белән уртаклашты.