«Китап уку идеялары банкы»

2022 елның 8 сентябре, пәнҗешәмбе

«Китап уку идеялары банкы» акциясе Шәтке авыл китапханәсендә 18-25 август көннәрендә узды. Китапханәдә өстәлдәге ящикка өлкәннәр һәм балалар үз теләкләрен язып салдылар, фикерләрен әйттеләр. Акциянең соңгы көнендә китапханәче теләкләр язылган барлык язмаларны  алды. Өлкәннәр күбрәк кызыклы китаплар, газета-журналлар, тарихи романнар, фэнтезилар булдырырга теләгәннәрен язганнар. Ә гомумән алганда, китапханә эше һәркемне канәгатьләндерә икән.