Кешенең иң зур, иң кыйммәтле байлыгы — сәламәтлек.

2022 елның 7 ноябре, дүшәмбе

Озак һәм бәхетле яшисе килсә, һәр кеше иң беренче чиратта үзенең сәламәтлеге турында кайгыртырга тиеш. Ә без, үз чиратыбызда, балаларны моңа өйрәтергә тиешбез.  Нинди кешене сәламәт дип әйтеп була, сәламәт булу өчен нишләргә, яшүсмерләрнең сәламәтлеге нәрсәгә бәйле? Шушы сорауларга җавап итеп 27 нче октябрь көнне Баландыш авыл китапханәсендә рәсем бәйгесе үткәрелде. Сәламәтлек турында мәкальләр һәм әйтемнәрне искә төшереп, сәламәт яшәү рәвеше алып баруга юнәлтелгән буклетлар һәм брошюраларга, китап-журналларга күзәтү ясалды.