5 ноябрь көнне Теләче балалар китапханәсендә «Иске фотоларны карау көне» үткәрелде.

2022 елның 7 ноябре, дүшәмбе

Ел саен 5 ноябрьдә шундый файдалы һәм мавыктыргыч бәйрәм билгеләп үтелә. Аны истәлекләр көне дип тә атарга мөмкин, чөнки тормышның кайбер мизгелләре аерым очракларда гына искә алына, ниндидер сәбәп белән комодтан калын фотоальбом тартып чыгарыла һәм «узган еллар буйлап сәяхәт» башлана. Китапханәдә «Гөрләвек» клубы әгъзалары әбиләренең һәм өлкән туганнарының фотосурәтләрен барладылар, шулай ук үзләре дә ретро кадрлар ясап карадылар. Тарихка кереп калу сокландыргыч эш һәм фотограф иҗаты күңелле шөгыль дә.