Квест уены үткәрелде

2022 елның 10 ноябре, пәнҗешәмбе

Башлангыч сыйныф укучылары өчен күренекле прозаик Дмитрий Наркисович Мамин-Сибирякның 170 еллыгы уңаеннан «Мир добрых сказок Мамина – Сибиряка» квест уены үткәрелде. Балалар язучының әкиятләре буенча сәяхәткә чыктылар һәм иң игътибарлы укучыны таптылар. Уен мультимедиа презентациясе белән үрелеп барды. Язучының әкият геройларына гашыйк булмаска мөмкин түгел, алар яхшы холыклы, эш сөючән, мәрхәмәтле һәм ярдәмчел. Бу чарага «Добрые книги доброго человека» дип исемләнгән күргәзмә әзерләнде, анда "Аленушкины сказки", "Зимовье на студеной", "Приемыш"  һ.б. күренекле китаплар урын алды. Балалар ​​кайбер әсәрләрнең язу тарихы белән таныштылар, аннары "Соры муен" әкиятен тыңладылар, викторина сорауларына җавап таптылар.