Хөрмәтле әниләр!
Хөрмәтле әниләр! Сезне мәхәббәт һәм наз белән сугарылган күркәм бәйрәм - Әниләр көне белән чын күңелдән котлыйм. Әни сүзе гомер-гомергә барлык халыкларда да изге төшенчә булган. Әни булу - иң катлаулы хезмәтләрнең берсе. Әмма күпчелек хатын-кыз өчен ул чын бәхет. Әни - һәркайсыбыз өчен дә иң якын һәм кадерле кеше. Ничә яшьтә булсак та, әниләрнең яратуын тою безгә рәхәтлек бирә, авырлыкларны җиңеп чыгарга, уңышка ирешергә ярдәм итә. Әни мәхәббәте көчлерәк, ышанычлырак итеп тоярга, авырлыкларны җиңәргә, уңышка ышанырга этәрә. Якты күңелләрегездән елмаю һәм шатлык китмәсен. Чын күңелдән сәламәтлек, гаилә иминлеге, озын гомер, бәхет телим. Балаларыгыз һәм якыннарыгыздан һәрчак хөрмәт һәм ярату гына тоеп яшәргә язсын. Тормышыгызда якты көннәр, балаларыгыз өчен сөенгән мизгелләрегез күбрәк булсын.