«Татарча диктант” акциясе

2022 елның 5 декабре, дүшәмбе

«Татарча диктант» — бик әһәмиятле проект. Телебезгә кагылышлы мондый рухтагы чаралар  бик кирәк. Анда катнашучыларның саны елдан-ел арта.   25 нче ноябрьдә, көндезге сәгать 11дә теләгән барлык кеше дә «Татарча диктант» акциясендә катнашып, татар теленнән үзенең белем дәрәҗәсен сынап карый ала иде. «Яңа Гасыр» һәм «ТНВ-Планета» телеканалларында туры эфирда диктант укылды. Баландыш төп мәктәбе дә бу акциядә бик теләп катнашты. 5-9 нчы сыйныф укучылары,  мәктәп укытучылары да  диктант язып, үз белемнәрен тикшереп карадылар. Диктант тәмамлангач, катнашучылар фикерләре белән уртаклаштылар. Мондый чаралар  татар теленә карата ярату һәм хөрмәт тәрбияләргә ярдәм итә.