Шул рәвешле алар тирә-якны өйрәнә, күргән әйбер белән кызыксына. Ә бит табигатьтә кеше сәламәтлегенә куркыныч тудыручы, агулы үсемлекләр дә бар. Шуңа күрә куркынычсызлык чаралары өстендә эшләү бик мөһим. Балаларны агулы үсемлекләр белән таныштыру максатыннан Шармыш авылы китапханәчесе "Агулы үсемлекләрдән сакланыгыз!" дип исемләнгән мәгълүмат сәгате үткәрде. Биредә китапханәче балаларны агулы үсемлекләр белән таныштырды, аларны кайда очрату мөмкинлеге турында кисәтте. Катнашучылар алган белемнәрен "Дару үләннәре һәм агулы үсемлекләр" уенын уйнап ныгытты.