“Тәмәкене кәнфиткә алыштырыгыз!”

2024 елның 16 июне, якшәмбе

Казаклар авыл китапханәсе китапханәчесе “Тәмәкене кәнфиткә алыштырыгыз!” дип исемләнгән акция үткәрде. Ул Бөтендөнья тәмәке тартуга каршы көрәш көненә багышланган иде.

Китапханәче урамга конфетлар һәм яхшы кәеф алып чыкты. Ул үтеп баручыларга тәмәке тарту начар гадәт икәнен аңлатты һәм аннан баш тартырга тәкъдим итте. Күпләр беренче адымны ясарга — тәмәкене кәнфиткә алыштырырга булдылар. Кемдер соңрак тәмәке тартудан баш тарту турында уйларга вәгъдә итте. Кайберәүләр бу көнне үз сәламәтлекләре турында уйлана башладылар, бәлки үзләре өчен дә зарарлы гадәт белән хушлашырга карар иткәннәрдер.