Тормыш монда чыннан да кайный, бигрәк тә җәйнең беренче аенда, чөнки июньдә китапханә җәйге сәламәтләндерү лагерьлары белән актив хезмәттәшлек итә.
17 июнь көнне китапханәгә Иске Җөри авылы мәктәп яны лагерына йөрүче балалар килде. Алар җәйге укуга багышланган күргәзмә белән таныштылар һәм китап укучылар өчен оештырылган, танып белүгә корылган күңел ачу викторинасында катнаштылар.