Кеше белән эт арасындагы дуслык ерак үткәндә башланган.

2024 елның 24 июле, чәршәмбе

Кыргый этләр һәм бүреләр кешеләр янында яшәгәннәр. Ул вакытта кешеләр мәгарәләрдә яшәгәннәр һәм кыргый хайваннар тиресен кигәннәр. Аларның дуслыгы шунда ук башланмаган. Башта эт ау вакытында кешегә ияргән. Ләкин тиздән кеше дә, эт тә бергә яшәүнең никадәр яхшы икәнен аңлыйлар. Шул вакыттан алып алар кешеләр янында яшәделәр. Бөтендөнья эт көне 2 июльдә билгеләп үтелә икәнен бөтен кеше дә белми. Шушы көн уңаеннан Күкчә авылы китапханәчесе «Минем дүрт аяклы дустым» темасына рәсем конкурсы үткәрде. Мондый ярышлар хайваннарны кайгырту һәм мәхәббәт хисе, хайваннар өчен җаваплылык хисе уята.