«Ярат һәм бел туган төбәгеңне!»
Айдар авылы китапханәсендә «Пушкин картасы» проекты буенча «Ярат һәм бел туган төбәгеңне!» дип исемләнгән туган якны өйрәнү әдәби программасы узды. Туган як тарихын, биредә яшәүче кешеләр турында белү – кызык, дөрес, кирәк һәм мөһим эш. Әлеге чарада биш станция аша кече ватаныбыз, төбәгебез тарихы буйлап сәяхәт кылдык.
«Безнең тарих» станциясендә авылыбызга нигез салыну тарихына бәйле кызыклы фактларны белделәр. "Хезмәт кешесен данлыйбыз» станциясе - күренекле шәһесләр тормышы турында. Яшьләргә таблицадан күренекле якташларыбызның фамилияләрен табып, аның казанышларын да белү мәгълүм иде. “Безнең горурлык” станциясе - туган як әдәбиятын өйрәнү буенча. Катнашучылар укылган өзекләр аша авторын һәм әсәрнең исемен белергә тиешләр. "Туган төбәгемнең йолалары һәм гореф-гадәтләре" станциясендә- гореф-гадәтләр, йолалар турындагы биремнәр. "Ярат һәм бел!» станциясендә- авылның табигатен, тарихын һәм мәдәниятен өйрәнү белән бәйле биремнәр. Туган якны өйрәнү программасы әлеге чарада катнашучыларга туган якны өйрәнү әдәбиятын белү, үткән һәм хәзерге тарихыбызны, туган як традицияләрен һәм йолаларын өйрәнү, үз тамырларыңны онытмау, алдагы буыннар белән тыгыз бәйләнеш алып бару мөмкинлеге бирде.