21 февральдә бөтен дөньяда Халыкара туган тел көне билгеләп үтелә. Шәдке

2025 елның 25 феврале, сишәмбе

Шәдке авылы мәдәният хезмәткәрләре «Туган тел  ул— халык җаны» дигән танып-белү сәгате үткәрделәр. Китапханәче һәм мәдәният йорты директоры балаларга туган телнең кеше һәм җәмгыять тормышында мөһим роле, туган телдә халыкның гореф-гадәтләре, көнкүреше, акылы, матурлыгы чагылуы, күпмилләтле илебездә яшәвебез һәм бөек рус теле барыбызны да берләштерүе турында сөйләделәр. Барысы бергә мәкальләрне, әйтемнәрне, канатлы әйтемнәрне искә төшерделәр. Китапханәче теләсә кайсы кеше өчен аның сөйләшә торган теле мөһим булуын искәртте, чөнки үз телен белү һәм башкаларга карата хөрмәт безне акыллырак, игелеклерәк, мәдәниятлерәк итә. Чарага “Киләчәгем өчен кирәк туган телем” дигән китап күргәзмәсе әзерләнде.