Муниципаль районнар Теләче муниципаль районы

“Беренче сыйныф укучысының иң яхшы мәдәни көндәлеге”.

2015 елның 27 мае, чәршәмбе

“Беренче сыйныф укучысының мәдәни көндәлеге” мәдәни - белем бирү проекты нәтиҗәләре буенча Теләче муниципаль районы дәрәҗәсендә төзелгән комиссия тарафыннан сайлап алынып “Беренче сыйныф укучысының иң яхшы мәдәни көндәлеге” номинациясендә - 3 җиңүче, “Иң мәдәниятле әти – әни” номинациясендә – 1 әни һәм 30 иң актив катнашучы билгеләнде. Алар иң кызыксынучан беренче сыйныф укучылары буларак 26 май көнне Татар дәүләт “Әкият” курчак театрына һәм “Киномечта” кинотеатрына чакырылдылар.

“Киномечта” кинотеатрында беренче сыйныфлар “Пороро пингвиннары” мультфильмын күрә алдылар. Ә курчак театрында мәдәни вакыйга әзерләгәннәр – җиңүчеләр өчен “Апушның тылсымлы төшләре” спектаклен күрсәттеләр. Җиңүчеләрне бүләкләү тантанасы да биредә үтте. Аларга дипломнар һәм истәлекле бүләкләр тапшырылды.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

«Халыклар дуслыгы турында әкият»

17 апрель көнне Теләче балалар китапханәсендә мөһим кыйммәтләргә – күп милләтле Россия халыкларының дуслыгына, аларның үзара аңлашуына һәм какшамас бердәмлегенә багышланган «Халыклар дуслыгы турында әкият» дип исемләнгән танып-белү сәгате узды. Әлеге чара һәркемгә илебез бердәмлегенең ныклы нигезе булып хезмәт итүче мәдәни күп төрлелекнең байлыгын һәм кабатланмас матурлыгын искә төшерү максатыннан оештырылды.

апрель, 2026 ел

1986 нчы елның 26 апреле кешелек тарихына иң куркыныч, иң хәтәр көннәрнең берсе булып кереп калды.

Быел Чернобыльдәге атом станциясе шартлап, барлык Җир шарын үлем сөременә төргән ул дәһшәтле көнгә 40 ел була. Бу шартлау Хиросимага ташланган атом бомбасыннан 40 тапкыр көчлерәк иде. Чернобыль зонасында авария нәтиҗәләрен бетерүдә 600 меңгә якын кеше катнаша. Егетләребез, батырлык үрнәкләре күрсәтеп, үзләренә йөкләнгән бурычны зур җаваплылык тоеп башкаралар. Ликвидаторларның хезмәте – чын мәгънәсендә зур батырлык. Аларның берсе дә онытылмасын, һәрберсе тиешле хөрмәтне күреп яшәсен иде. Еллар узган саен сафларыбыз кими бара. Чернобыль вакыйгасы, кыю йөрәкле ир-егетләребезнең батырлыгы турында мәгълүмәт бирү максаты белән 17 нче апрель көнне Олы Мәтәскә авылы мәдәният хезмәткәрләре мәктәп укучылары белән “Чернобыль. Без хәтерлибез” дип исемләнгән мәгълүмати сәгать үткәрделәр.

19 апрель -1941-1945 еллардагы Бөек Ватан сугышы елларында нацистлар һәм аларның ярдәмчеләре тарафыннан кылынган совет халкы геноциды корбаннарын искә алу көне.

Бу көн алдыннан китапханәдә «Россия көче- халык бердәмлегендә» исемле мәгълүмат сәгате узды. Чараны уздыру өчен Россия Федерациясе Президентының иҗтимагый проектлар буенча идарәсеннән алынган материаллар кулланылды. Өлкән сыйныф укучылары тарихның фаҗигале битләре, тыныч халыкны массакүләм юк итү, совет кешеләренең батырлыгы һәм ныклыгы турында, шулай ук тарихи дөреслекне саклау һәм аны киләсе буыннарга тапшыруның мөһимлеге турында белделәр. Геноцид корбаннары турындагы хәтер-ул кайгы гына түгел, ә дөнья, ирек һәм кеше тормышы — сакларга кирәк булган югары кыйммәтләр икәнлеген искә төшерү дә мөһим.

«Якташларыбызның хезмәт батырлыгы»

Татарстан Республикасында Хәрби батырлык һәм Хезмәт фидакарьлеге елы кысаларында Айдар авыл китапханәсендә «Якташларыбызның хезмәт батырлыгы» дип исемләнгән хәтер сәгате үткәрелде. Әлеге чара авылдашларыбыз һәм райондашларыбызның хезмәт батырлыгына багышланган иде. Очрашуда катнашучылар авылыбызның тыл ветераннары, тракторчы хатын-кызлары, төрле дәрәҗәдәге Дан ордены кавалерлары турындагы истәлекләр белән уртаклаштылар һәм Социалистик Хезмәт Герое Гөлбикә Каримовага багышланган яңа гына нәшер ителгән «Ил үстергән кыз Гөлбикә» китабы белән таныштылар. Аларның шәхси уңыш тарихлары, хезмәт батырлыгы бүген дә яшьләр өчен үрнәк булып тора.

ЯҢАЛЫКЛАРГА ЯЗЫЛУ