17 октябрь көнне Мамадыш шәһәрендә Татарстан Республикасы мәгариф хезмәткәрләренең җәйге Спартакиадасы булып узды.
17 октябрь көнне Мамадыш шәһәрендә Татарстан Республикасы мәгариф хезмәткәрләренең җәйге Спартакиадасы булып узды. Әлеге ярышларда Теләче районы данын районыбызның төрле мәктәпләреннән 18 педагог яклады. Ярышлар 6 спорт төре буенча узды: җиңел атлетика, эстафета, урыннан озынлыкка сикерү, кул көрәше, канат тарту, бадминтон һәм мылтыктан ату. Районыбызның мәгариф өлкәсе хезмәткәрләре әлеге ярышларда лаеклы чыгыш ясап, түбәндәге нәтиҗәләргә ирештеләр: бадминтон буенча ир-атлар арасындагы ярышта Баландыш төп мәктәбеннән Алмаз Җаббаров 1 нче урын; кул көрәшеннән Ринат Зәйнетдинов 3 нче урын; VIP йөгерештә мәгариф бүлеге җитәкчесе Наталья Карпова 3 нче урын яуладылар. Ярыш нәтиҗәләре буенча республиканың 24 авыл районнары арасында Теләче 6 нчы урынга лаек булды.