Мәктәпкәчә белем бирүдә конструкция һәм робот техниканың нигезләре.

  Теләченең беренче номерлы балалар бакчасы  ФГОС буенча база мәйданчыгы санала. Бердәм дәүләт стандартлары кертелү  белән,безнең балалар бакчасына ЛЕГО – конструкторлар кайтарылды . Конструкторлар  группаларда һәрчак булган, ләкин аларны вак моториканы үстерү буенча  кулланганнар.  ФГОС керү белән әлеге  таләпләр үзгәрде.  Шул максатлардан, база мәйданчыкларындагы педагоглар катнашында,  23 ноябрьдән 5 декабрь  аралыгында Казан педагогик  көллиятендә  “Конструкция һәм робот техниканың нигезләре” дигән темага  курслар узды.  Безнең балалар бакчасыннан укуларда  тәрбияче Мухаметзянова М.Е  булып кайтты.  Биредә 10 көн дәвамында  балаларның танып-белү үсешен кызыклы итеп оештыру,  мәгълүмат агымында баланың ориентлашуы буенча  белемнәрен күтәрү өстендә эш алып барылды.

   Зурлар һәм мәктәпкәчә әзерлек төркемендәге балалар ЛЕГО-конструкторлар белән  бик кызыксыналар, алар  төрле корылмалар, техникалар  төзиләр. Шуның белән әйләнә-тирә турында яңа мәгълүм алалар.