15 декабрь көнне Казанда "Уникс" спорт һәм күңел ачу үзәгендә XV нче традицион "Татарстанның спорт өметләре " дип исемләнгән Яңа ел кичәсе булып үтте. Анда 2015 елда иң нәтиҗәле чыгыш ясаган спортчыларны һәм тренер-укытучыларны бүләкләделәр. Әлеге чарада катнашу өчен безнең районнан “Теләче” балалар һәм яшүсмерләр спорт мәктәбе директоры Д.С.Гыйниятуллин,тренер-укытучы А.З.Сафин һәм төрле спорт төрләре буенча 10 спортчы тәкъдим ителде. Аларга Кыш бабай һәм Кар кызы яңа ел бәйрәмен тәкъдим иттеләр һәм яшь спортчыларга Яңа ел бүләкләре бирделәр.