11 нче декабрь көнне бакчабызның 2 нче нәниләр төркемендә беренче ата- аналар җыелышы булып узды.
11 нче декабрь көнне бакчабызның 2 нче нәниләр төркемендә беренче ата- аналар җыелышы булып узды. Беренче көн тәртибе буенча тәрбияче Мөхәммәдиева М.Ф , ата-аналарны бер-берсе белән якыннан танышу максатыннан, “Серле йомгак” уенын уздырды. Ата-аналар бер-берсе белән якынрак танышып, ата-аналар комитетын сайладылар. Алга таба Миләүшә Фанисовна ата - аналарны нәниләрнең адаптация чорларын, 2015-2016 уку елына белем һәм тәрбия эшенә куелган максатлар, шөгыльләр челтәре, көндәлек режим белән таныштырды. Тәрбияче - яхшы тәрбиянең нигезе гаиләдән башлануы хакында, балаларга дөрес тәрбия бирүгә ирешү бурычы балалар бакчасы хезмәткәрләренең ата- аналар белән уртак тырышлыгына бәйлелеге турында сөйләде. Шулай ук җыелышта бакча мөдире Хасаншина Ф. Ф. катнашты. Ул ата- аналарга бакчаның тормышы, түләү , субсидияләр алу тәртибе белән таныштырды,ата-аналарның кызыксындырган сорауларына җавап бирде һәм балалар бакчасы тормышында активрак катнашырга, килеп туган каршылыкларны бергә-бергә булганда гына чишеп булуы турында искәртте.