3нче балалар бакчасында балаларның кечкенәдән үк рус телен дә, татар телен дә үзләштерү, ике милләтнең мәдәни мирасын өйрәнү алып барыла.

Балаларда матурлыкны тоя, күрә белү сәләтен үстерүдә, туган якны ярату, халкыбызның гореф-гадәтләренә, йолаларына, милли бәйрәмнәренә ихтирам тәрбияләүдә халык педагогикасы чараларының йогынтысы зур. Балалар матур җырлар җырлап, шигырьләр өйрәнеп , дәртле биюләр белән язгы бәйрәмне каршы алалар. Бәйрәмнәрне ата-аналар да яратып карыйлар. Ачык чараларны әзерләгәндә барлык бакча хезмәткәрләре дә катнаша.  Бәйрәмнәр татар, рус халкының йолалары белән танышырга ярдәм итә һәм балалар дәвамчыларыбыз булып тора.