21 март көнне Теләче балалар китапханәсендә, 1 нче номерлы “Алёнушка” балалар бакчасында тәрбияләнүчеләр өчен, “Мы – будущие читатели” дип исемләнгән экскурсия оештырылды.

Ул балалар абонементыннан башланып китте. Иң элек китапханә, әбүнә, уку залы, формуляр, күргәзмә төшенчәләренең мәгънәләре аңлатылды, шулай ук, балалар китапханәче һөнәре турында белделәр, китапханәнең бүлекләре; үз – үзеңне тоту кагыйдәләре белән таныштылар. Соңыннан бергәләп нәни китапчыклар, җәелмәле китаплар, уенчык – китаплар һәм төрле темаларга багышланган энциклопедияләрне карап чыктылар.

Әлеге сәяхәт мәктәпкәчә яшьтәге балаларда зур тәэсир калдырды. Балалар да, тәрбиячеләр дә китапханәгә экскурсиягә килүләренә бик шат булдылар.