Сәләтле балаларны кече яшьтән үк күреп, аларны үстерү гаиләнең һәм балалар бакчасының зур максаты булып тора. Һәр кешедә табигать тарафыннан күп төрле мөмкинчелеләр салынган.

Шушы уңайдан 5 сентябрь көнне Теләченең беренче номерлы балалар бакчасында “Сәләтле йолдызчыклар” диеп аталган ачык чара булып узды. Әлеге чараның максаты булып - бакчага йөрүче балалар арасында талантлы балаларны барлау һәм аларның сәләтләрен камилләштерү өстендә эшләү тора. Әлеге чара уртанчылар, зурлар һәм мәктәпкәчә яшьтәгеләр төркемнәренә йөрүче балалар һәм аларның әти-әниләре өчен оештырылган иде. Балалар матур-матур шигырьләр сөйләделәр, җыр һәм биюгә осталыкларын да күрсәттеләр. Һәр бала да үзенчә сәләтле, сәләтсез кешеләр,гомумән, булмый!